[alshihri11]

السلام عليكم..

اول شئ لازم يكون عندك يقين مايقل عن 90% انو فيه غلط في الدرجه

الملاحظه الثانية انا راح اتكلم على مراجعه الانجليزي وانتو قيسوا عليها بقية المواد..


.

حاب اذكر انو انا قاعد اتكلم هنا عن مادة الانجليزي فقط
اول ماتخش مع بوابه 6 (البوابه الكبيره اللي غالبنا يخش منها - اللي عندها زحمه - الجنوبيه)

راح تلاقي البريد على يسارك واضح (قبل اول دوار) المبنى خلفه بالضبط (لاصق فيه من الخلف)

اطلع الدور الثاني واسال عن مكتب الدكتور عبدالله البارقي

- نهايه الدرج روح يسار بعدين روح يسار كمان - اخر مكتب على يدك اليمين



المهم راح تلاقي هناك السكرتير حق الدكتور قوله انك تبي تراجع درجتك ويليت تكلمه بكل ثقه..

راح يعطيك ورقة تعبيها (الورقه المرفقة)


وتخليها عندهم وبالنسبة للرد والله ما اعطاني جواب محدد

من اجوبته ليه ( راح تراجعنا بعد اسبوعين - رقم جوالك عندنا )

يعني الله يعين اروح بعد اسبوعين..

ويحبذ انك تخش عالدكتور نفسه وقوله وش عندك وان شاء النتيجه تكون اسرع


وبانسبة للموضوع اللي في الورقه اكتب شئ بسيط لاتطولها

انا كتبت
( اريد منكم مراجعه درجتي حيث ان الدرجة التي نزلت لي هي "77" بعد ان كنت متآكد بانها لن تقل عن "96"-"100" مع خالص تقديري وشكري لجهودكم)



* تذكر* ان هال3000 اللي قاعدين ندفعها كل ترم تعتبر رواتبهم اللي قاعدين ياخذوها كل شهر وانك قاعد تذاكر ترم كامل وفي النهاية يجيك بعض الموظفين (الله يهديهم) في التصحيح يصحح اول 10 اسئلة والباقي يخليه تخمين من عنده مايبي يتعب نفسه مسكين

الزبدة : لاتتكاسل وتتردد بانك تروح تراجع درجتك









تمنياتي لكم بالتوفيق...