 ياشباب عارفين وش معنى يلغون الرسوم او يخفضونها ؟
على كلام احد الدكاتره اللي قابلتهم الامتحانات الماضية في السنه التحضيرية وحدها 10000 طالب في مادته هو فقط اضربها في 2 لأنه الطلاب موزعين على خطتين ا و ب يساوي 20000 تقريباً في السنه التحضيرية فقط وخلونا نقول متوسط عدد الطلاب في السنه الثانية في جميع التخصصات 5000 طالب وفي السنة الثالثة 4000 طالب وفي السنه الرابعة 3000 طالب ( نقلل عدد الطلاب في سنوات التخصص أخذين في عين الأعتبار تسرب الطلاب ) المجموع هو 32000 طالب × 6000 ريال سنوياُ = 192000000 ( مية واثنين وتسعين مليون ) يعني ميتين مليون تقريباً مصدر دخل مهم للجامعة ماراح تفرط فيه أبداً إلا بقرار ملكي خلونا نقول صدر مرسوم بإلغاء الرسوم وقتها راح يكونوا الطلاب عبىء مالي واداري على الجامعة راح تبدأ الجامعه بمحاولة تقليل عدد الطلاب بوضع شروط للتقليل من عدد الطلاب المستجدين والضغط على الطلاب الحاليين بطرق عده لتقليلهم انا اقول خلونا زي محنا ( خلونا على قردنا لا يجي اقرد منه ) نحمد الله انا لقينا لنا جامعة تضفنا الله يوفقنا جميعاً ولا يضيع تعبنا خصوصاً وان كثير منا موظفين ولدينا التزاماتنا الوظيفية والاسرية والاجتماعية ... آمين
هذا علمي وسلامتكم
|
طيب اذا قلنا ان الارقام عندك صحيحه مع انه في اعتقادي انه مبالغ فيها...؟
مانبي التخفيض هذا بس نبي على الاقل بعض الخدمات ....قلي وش مثله !!!!!!
1ـنبي ينزلون لنا تسجيل المحاضرات على على موقع الجامعه على شان نفهم على الاقل وش هالمواد اللي تجينا ونتخلص من التدريس الخصوصي .
2ـاضافه سكن لطلاب الانتساب فتره الاختبار وجعل اختبارات المناطق مجاني ومن ثم تعمميمها على جميع المناطق لتعم الفائده
وبعدها اتوقع راح نشوف ان الجامعه تتعب ل مصلحه الطلاب الانتساب وانه سوف يكون تقريبا 98%من الطلاب راضين واذا كان كلامك عن الاموال الي تجي للجامعه صحيح فهذا اكبر اعلان تقوم به الجامعه لنفسها وراح العالم تتوافد عليها ..................................هذا والسلام ختام