رد: ارجوا التفاعل مع موضوعي ورايكم يهمني ؟؟
جد شي يقهر تدرس وتكون مؤهل تمسك نفس تخصصك وللأسف يحطوا الشخص ف مكان مو مناسبوا
المهم
انا باقولك رأيي
صراحه دا في ضياع لتعبك بعد مادرست مايرضوا يرقوك ع شهادتك وبعدين لك فرصة انك تحسن من وضعك وماتحسنوا!!!
في شغلتين
اما انك زي ماقالوا تراسل الشركات وبشهادتك واما انك تكمل دراستك وتسافر
وف كل الاحوال تبقى ف وظيفتك الحاليه لين ماربي يسهلك امورك
وحتى لو قدمت معليش انا باعرف كيف اللي يفرطوا ف وظايفهم اسمنوا اسمهم طلع استقالوا!!
سوي زي اللي اعرفهم ماشاء الله انقبلوا ف البعثة بس لسه ماطلعوا التأشيرة وسفرهم شهر 6 ولسه بقيلهم اجراءات ولدحين هما ع وظايفهم
منها تستفيد من راتبك قبل لا تسافر البعثة
وبالنسبة لدوامهم وكيف وفقوا مع الدورة اللي بتسويها البعثة
دوامهم كان من 7.30 او 8 الى 4 وف المسا يحضروا الدورة
صح ضغط بس ماشاء الله كملوا
باختصار حسن وضعك سواء بالبعثة ولا تراسل الشركات التانية اما انو خلاص ترضى بالأمر الواقع وتصير بارد لا
مدام عندك الفرص انك تصير احسن استغلها قد ما تقدر
ولا تنسى الاستخارة والدعاء ان لو كان ف البعثة خير لك ربي يسهلك هيا وان كان شر ربي يبعدها عنك
وسبحان الله ماتعرف الخير لك فين
موفق ،،
|