رد: طيب الي ماعندها محرم ..وعنده طموح مليون رجال
شوفو يا حبايب أنا متخرجة بامتياز و مرتبة الشرف ولله الحمد
صاحباتي كلهم راحو بعثات مع انو معدلاتهم اقل من الامتياز أما أنا حصلت على منحة خارجية من احدى الجامعات لاكمل الماستر لكني اعتذرت عنها لانو للاسف ما عندي محرم و في الاخير هي مسألة ارزاق و أنا رضيت باللي ربنا كاتبه و قدمت هنا في الجامعة و انقبلت و لله الحمد و لو في راسي شي راح احققه بإذن الله سواء هنا او بلد تانية ...
صحيح انو البيئة التعليمية هنا مو زي جامعات برا ... لكن ان شاء الله ما في شيء يوقف في وجه الطموح و اتمنى من كل قلبي للي ابتعثو انو ربنا يوفقهم و يجعلهم هداة مهتدين و يشرفو البلد .
و على فكرة شرط المحرم مطلب شرعي مو شي كمالي و المفروض ما نعترض على هذا الشرط لانو فيه مصلحتنا
افرضي لا سمح الله حصل لك شيء في بلاد الغربة و انتي لوحدك اش راح تعملي ؟
و في الاخير لو كان الخير في البعثة كان ربنا يسرها لكم و ليا و عسى ان تكرهو شيئا و هو خير لكم
|