رد: بعض المواد وابغى منكم ربي يسعدكم تقولولي وصف عنها ولو بكلمه ((ضروووري بسرررررعه )
انا اعرف مادتين منهم
تاريخ اثاث اذا تحبي تحفظي خديها بس ترى تدرسي الاثاث من زمان زماااااااااااان الين دحين
كلها حفظ وكلها اسامي فيها كمية حفظ كتيره
فااذا دا الشي يمشي معاكي خديها
والماده التانيه اسس تغذيه
بما انك علوم ان شاء الله تمشي فيها
هيا تقريبا كيمياء حيويه بس بالعربي ماعدا المصطلحات انجلش
الماده دسمه وحفظ بس انا عن نفسي اشوفها سهله يمكن بنات يقولوا صعبه
هيا مو صعبه بس يبغالها تركيز وحفظ اول بأول عشان تجيبي فيها درجه عاليه
لو انك اهملتيها وجيتي يوم الاختبار تذاكريها راح تحوسي فيها
عشان كدا اول باول ذاكريها وتمشي معاكي على فكره خديها مع دكتوره امل عبد الرازق مره رهيبه انا اخدت معاها
ان شاء الله اكون افدتك
=)
|