[Jasmine Al-Qahtani]

كان نفسي قسم الفلك والنجوم والاشياء هذي بس مخصصة للأولاد :) << هذا ردي على عنوان موضوعك

بالنسبة لاستفسارك .. ياليت اقدر اجاوبك بس ما عندي خبر

وبالنسبة لطموحك

الحياة حلوة .. فلا تكأبي نفسك انو مافي القسم اللي تبغيه

فكري بقسم من الاقسام المتاحة للبنات .. رصيها كلها قدامك وفكري اي واحد فيهم حتشوفي نفسك مبدعة فيه
بدون ما تتحكمي انو القسم الفلاني مو للبنات وتخشي قسم ما تبغيه

وأبغا أعرف هل ممكن اني أتخصص فرضاً لا سمح الله كيمياء حيوي وبعد ترم أو سنه ادا فتح كيمياءعضوي أحول ولا مافي مجال تغيير بالكليات العلميه

لاتورطي نفسك بالطريقة هذي .. انتي كذا زي اللي يشتري العصفور وهوا لسا بيطير ..
احنا عندنا في قسم اللغات كثير قالو انو حيفتح قسم ترجمة والى الان ما فتح ولا شي ..
فلا تدخلي قسم مغصوبة عليه عشان بعدين تحولي .. وتتورطي بعدين انو القسم ما فتح وتضيع اترامك بين تحويل من قسم للثاني.. او تكملة اترام في قسم ما تحوبيه

ان شاء الله تكون مداخلتي خفيفة عليك

واسأل الله للجميع التوفيق
ويارب تلاقي نفسك في قسم تبدعي فيه وتحوبيه :)