[حـــر اليدين]

أعتقد خلاص ما عاد في مجال للسكوت

يعني إختبارات صعبة جدا أشبه بالتعجيزية <<<< مشيناها

وجامعة تعاملها غير راقي مع طلبة الإنتساب <<<<< بلعناها

تهميش ، تطنيش ، إضطهاد ، إحتقار ، وتحقير ،،

كل هذا لأنك إنتساب (منت مهم) زي طالب الإنتظام

* مع العلم إن الجامعة حكومية المفروض انها فاتحة أبوابها ع الأقل لأبناء وبنات هذا البلد بالمجان!

* المفروض يكونوا سعداء لأننا احنا ابنائهم نبغى نطلب العلم ،

نبغى تحصيل علمي ، نبغى ندرس ونتعلم ونتخرج ونحصل على درجة علمية عالية

حتى نستطيع ان نعيش محترمين ..

ولكن .. لا نجد الا وعود بتقليل عدد التخصصات أو إلغاء بعضها اذا صح التعبير

ومثل ما ذكرت أعلاه من إحتقار وإضطهاد



كل هذا بلعناه ورضينا فينا إحنا يا الضعاف يالي احلامنا بدأت تتلاشى في ظل قيادة هذه الجامعة..


ولكن

على الأقل أصبح من اللازم مناقشة موضوع الرسوم !!!

يعني في حسبة بسيطة تجد أن 6000 ريال في السنة ضرب 19000 طالب مثلا
نجد انه = 114000000 (( مائة واربعة عشر مليون ريال )) !!!!


يعني وش تبغى جامعة حكومية في مثل هذا المبلغ ؟؟؟؟؟؟؟؟؟؟؟؟؟؟

الجامعة يجيها سنويا ميزانيات ضخمة تكفي لصرفها على ثلاث جامعات مصرية أو سورية

فليش تاخذ مائة واربعة عشر مليون ريال سنويا من الطلاب ليش بأي حق ؟؟

يعني حتى ماهي رسوم أوراق الإختبارات الي نحل فيها والله ماتكلفهم ربع ربع هذا المبلغ !!

والدكاترة الي يوضعون الأسئلة ويصححون ماعندهم مشاكل لأن كل واحد راتبه الشهري

مايقل عن 30.000 ريال فليش ياخذون مننا رسوم ؟؟؟؟؟؟؟؟؟؟

خاصة وبالذات المواطنين يعني ليش كذا يكون مستواهم وقدرهم امام إدارة جامعة الملك عبدالعزيز؟؟؟؟



اذا كان هناك من يوافقني الرأي وانا اتوقع الجميع يعاني ليش مانحدد يوم

نجتمع جميعا أمام مكتب سمو الامير خالد الفيصل ونشرح له الموضوع شفويا وكتابيا

صدقوني صدقوني راح يرسل لجنة ترعب الجامعة رعب مابعده رعب

راح يلغون الرسوم وراح تتسهل معانا بإذن الله ..


اتمنى الرد لأن الموضوع موضوع مستقبلنا أحنا يا الشباب المواطنين بالذات يالي يعاملونا في

الجامعة كأننا دخلاء عليهم كأن وجودنا ليس له داعي وذلك على الرغم من اننا داخلين بفلوسنا


بإنتظاركم جميعا

أخوكم


حـــــــــــــــــــــر الــيـــديـــن