[مهندس الزعيم]

المادة متوسطة الصعوبة ,,

اللي يدرسونها اثنين علي رشدي وعبدالحي ,,

انا اخذتها عند رشدي << شرحه ممل ودائما يخرج برا الموضوع والشرح ويتفلسف في اشياء خارجية , الحقيقة اذا لما تحاول تفهم معاه تحس المادة صعبة لانه هو يصعبها ولا هي سهلة

المطلوب في هذي المادة : انك تاخذ مذكرة للدتور علي رشدي تلقاها في مكتبة خوارزم بالكلية فيها نماذج لاسئلة سابقة ومحلولة وهم دائما نفس طريقة الاسئلة لن يختلف المضمون ,,
ثاني شئ حاول تاخذ اوراق اشرف حراء من طلاب يدرسون خصوصي عنده لان اللي في مكتبة الوديان ملخبطة شوي والا هي تنفع ,,
المادة تتكون من جزئين :
الجزء الاول : complex (اعداد مركبة ) : راح تدرس فيه الجمع والطرح والضرب والقسمة والاشتقاق والتكامل ...الخ للاعداد المركبة
الجزء الثاني : مصفوفات : هذا الجزء سهل مقارنة بالجزء الاول وفيها من الطرق اللي اخذناها في النومريكال ee332

'طبعا بالنسبة لتقسيم الدرجات :
20 درجة : كويزات
20 درجة ملف
20 درجة: Major
40درجة : final

طبعا بالنسبة للملف في بداية الترم الدتور يحدد التيم اللي انت فيه وتقريبا هوه من 4الى 5 طلاب المطلوب منكم ان تحلون اسئلة يطلبها منكم خلال الشرح وبالنسبة للدكتور عبدالحي اظن يحدد اسئلة من الكتاب وايضا مطلوب 3 اسايمنت تسوونها ومواضيع الاسايمنت وشرحها موجود في مذكرة الدكتور علي رشدي التي ذكرتها سابقا << يعني بالنسبة لامر التيم سهل وما فيه كرف والاسايمنت تقدرون تسوونها في اخر الترم توزعونها على بعض والاسئلة تحلون من الموجود في ملخصات اشرف حراء
- بالنسبة للدكتور علي ما يتكلم عن الملف ولا يهتم فيه الا في اخر الترم لذلك من بدري خلصوا شغلكم علشان ترتاحوا لكن عبدالحي يهتم بالملف ويراجعه في كل اسبوع تقريبا
- بالنسبة لكويزات الدكتور علي كلها open ويعلمك الحل واذا ما تبغون كويز ما يعطيكم يعني لا تشيل همها وفيه كويزات يسويها للتيم مع بعض اما عبدالحي ما اعرف شئ عنه
- بالنسبة لـmajor والـfinal : تجيك 6 اسئلة كل سؤال يتكون من فقرات عديدة الاختبار من 260 درجة وغالبا يصححون الاختبار من 150 درجة < يعني اهم شئ اللي تعرفه تحله واللي ما تعرفه تتركه والسؤال الصعب لا تحاول تحله لأنك بتضيع وقتك وتخسر درجات , وايضا مسموح بورقة واحدة وجه وقفى تدخلها معاك الاختبار تكتب فيها اللي تبقى قوانين امثلة اثباتات اللي يجي ,, يعني الاختبار فله الفقرة اللي عاجبتك تحلها ولا ما تعرفها تروح للي بعدها والاختبار تقريبا يشمل كل المنهج , اهم شئ انك لازم تحاول تحل الاسئلة السابقة اللي في المذكرة ويسهل عليك الاختبار ان شاء الله ,,

يعني باختصار المادة في البداية تحسها صعبة لكن هي متوسطة الى سهلة اذا اهتميت وذاكرت ,,

وبالتوفيق ان شاء الله