[روح الربيع]

أنا رحت اليوم
أول مادخلت المعهد كان في مجموعة بنات بس مررة قليل جالسين يكلموا أستاذة من الأستاذات وآخر شي قالت أنا ما أعرف أي شي عن تقسيم الدرجات ولا أعرف درجة أي بنت إلا كم وحدة شفت درجتها وكانت نازلة وقارنتها بباقي المواد وكان نفس الشي << تبغانا مانلوم المعهد ~ قلتلها لا أبدآ الحمدلله أنا درجاتي حلوة ماعدا الإنجليزي وهو الي نزلني المهم قالت أنا ما بيدي شي روحوا عند دكتورة فاطمة قدسي في الدور الثاني وكلموها وطلعنا واحنا في الطريق كان في كم بنت جالسين يكتبوا في ورقة سألناهم اش هذي قالولنا اذا تبغوا تعترضوا عالإنجلش اكتبي اسمك ورقمك الجامعي واعتراضك ورقم جوالك قلنا نكتب اش ورانا ؟؟؟
ورحنا نبغى ندور مكتب دكتورة فاطمة لما وصلنا عنده جلسنا نقول هذا هو ويلا ادخلوا وووووو ~ سمعتنا سكرتيرتها المهم ما أدري مين هي ~ قالتلنا اش تبغوا من الدكتورة قلنا نبغى نكلمها قالت طيب قولولي أنا أقلها قلت لأ أبغى أكلمها بنفسي في كم بنت دخلوا بس أنا ما دخلت تخيلوا اش قالتلهم قالت خلاص اكتبوا في الورقة الي هناك اش عندكم وهي تشوفها بعدين ~ طبعا ما أحد عجبه الوضع نكلمها يعني نكلمها ووقفنا طابور قدام مكتبها وفي بنات شافونا وقفوا معانا فالبداية اتكلمت معاها وحدة كم كلمة أنجلش طبعا ما فهمت وبعدين قالت ( أنا ما ظلمتكم وأنا عآرفة انه في ربي بيحاسبني وأنا أخاف من ربي قبل كل شي وترى احنا قد ايييييييش حاولنا في مدير اللغة انه يغير التقسيم وبالقوة رضي ب ٢٥% الي في يد الأستاذات بسسس << كثر خيره =) وبالنسبة لتقسيم الدرجات زي ما قلت ٢٥% من الي في يد الأستاذات وال٧٥% الباقية من الاختبارات الي اختبرناها أفضل ٣ اختبارات ~ قلنا طيب ليش قسمتونا مستويات وشغلة اذا انتوا ما تجيبوا أسئلة من الكتاب؟؟ تبغوا تقسمونا كل مستوى أسئلته على قده ومن الكتاب قالت على كذا الي في المستوى الأول لو جابت مثلا بي بلس والي في المستوى الرابع بعد نفس الشي جابت بي بلس بعدين في السيسمنت ما أدري اش هو اذا جيتي تقارنيهم يطلع نفس الشي وهذا مو عدل في سوق العمل " أنا عن نفسي ما اقتنعت بذا الكلام وكان فيه معاي كم وحدة مو مقتنعين " وقالت انه في بنات في المستوى الأول ناجحين ب٦٠ و٧٠ وهذا يعتبر نجاح "طيب عارفين" وسألتها وحدة طيب بالنسبة للمستويات الترم هذا قالتلها على حسب درجتك بيكون مستواك واحنا خلاص قسمناكم " لااااع بعيد الأول بلا شك " وأنا وصحباتي شفنا انه مافي فايدة من الكلام فقررنا الانسحاب وآخر شي قالته البنات الي سجلوا أرقامهم في الورقة رح أرسلهم رسالة بدرجاتهم وبعد كذا مشينا والبنات لسى واقفين ما أعرف قالت شي زيادة ولالا ~ ان شآءالله ما أكون نسيت شي ~
تحياتي =)