[lotysweet]

المشاركة الأصلية كتبت بواسطة مشعل المالكي اهلين نفس الوضع مريت فيه مااقدر احذف ولا اضيف كاتبين لنا الاعلان هذا (( لا يمكنك تسجيل الجدول الدراسي من خلال النظام حيث أنك في مرحلة المقررات التكميلية عليك بمراجعة الكلية أو عمادة الدراسات العليا )) الظاهر الكلام هذا لطلاب وطالبات علم النفس فقط على العموم لابد من مراجعة الكلية يوم السبت لان مافي وقت معنا اتوقع يوم الاحد او الاثنين آخر موعد للحذف والاضافة بالتوفيق للجميع

نفس الشئ يطلع لي انا ومعي 3 طالبات واحنا من قسم التاريخ
بالاول كان يطلع لنا هالشئ بعدين قالو بيعدلو لنا ويصلحوة وصار يفتح معنا بس مافية السهم اللي ينزل المواد عشان نختار منها لذلك مانقدر نضيف مواد ورحنا كلمنا الاستاذ ايمن ابكر ووعدنا خير واليوم رحنا لشطر الطالبات طلبنا يسجلونا من عندهم ورفضو اخذو مننا خطاب عشان لو تقفلت الشعب يكون هالخطاب بمثابة دلالة انه احنا مش مهملين وانه عملنا اللي علينا واليوم وعدونا يفتحو بس انتضرنا لين 5 ونص العصر وبرضة المشكلة موجودة اللي صاير خطأ تقني من الجامعة وجاء على راسنا للاسف هالجامعة ياكثر مشاكلها والله لو كنت رجال كان اخذت ابتعاث وسافرت ادرس برا احسن لي من المرمطة اللي بهالجامعة
تدرون اصلا قمت اشك انها جامعة اخاف تطلع شئ ثاني طلععععععععت روووووحي << عصبت
والله ثم والله ثم والله تعبت من يوم الثلاثاء الماضي وانا مراكض من مبنى الدراسات العليا لمبنى كلية الاداب لتلفونات لقسم الطلاب والله حرام اللي يصير طيب عندهم اخطاء تقنية لية مايصلحوها لنا والله خايفة يكتفو بعدد معين من الطلاب ومالحق اسجل موادي وش الحل دبرونا
لية مايسجلو لنا موادنا من عندهم ويصلحو لنا هالمشكلة على مهلهم لية يحبو يتلفون اعصابنا وهم جالسين ورى هالمكاتب
والله سجلنا موادنا بنموذج بناء على طلب من مشرفتنا الدكتور فوزية الشمري ولما جينا نقدمها للوكيلة رفضت استلامها تقول لازم يصلحون لكم السستم
قلنا صلحوة براحتكم بس سجلونا من عندكم لكن رفضت وقالت لازم بكرة تجون لازم تتعبون وتكافحون عشان تاخذون الشهادة الحين هو هذا الكفاح
انا اعتقد انه الكفاح بالمادة نفسها ونجيب اعلى الدرجات فيها مو بالمطامر ورى اخطاء الجامعة التقنية ياناس ودي اصيييييح تكفون خلللوني اصيح << مين ماسكك