[wan]

السلام عليكم


اكيد كلكم لاحظتو ان موضوع التجمع انحذف ..

انا كلمت المشرف و قلتلو يحذفوا .. لآنو بصراحه فكرنا فيها كثير و حصلنا اننا من الافضل .

اننا نكلم المسؤولات في الجامعه يعملولنا اجتماع مع العميده و في الاجتماع نقول عن كل مشاكلنا و همومنا . اتصلت على الاداره و قلتلهم و قالو تقدري تقدمي الاقتراح و لو في مجال تدخلي للعميده ممكن ندخلك .

الدكتوره هناء اكيد اللي حضرو اخر لقاء لها لاحظو انها طيبه و تتفهم .

ان شاءلله توقف معانا في قرار العبايات .

So .. باذن الله رح نحاول في آقرب وقت نخلص من مشروع مقترح المجلس الطلابي و نقدمو للعميده و نكلمها عن الاجتماع العاجل اللي نحتاجه .


كل شي ينحل بالهداوه . و الله يهديني و يهديكم و يهدي الجميع .


و لا تحسبوا اني خفت من اللي قالو في سجن و سجانات و مدري ايش
لا والله احنا ماكنا بنضارب ولا بنهدد كنا بنتجمع و نكلمها .

بس ان شاء الله في اقرب وقت يعملوا اجتماع و نقول كل اللي في خاطرنا


و اتمنى محد يزعل مني . و كل اللي اتلفظت عليهم او قلت كلام مو حلو
ياريت يسامحوني . كانت لحظة غضب .


موفقين يارب