[ورد الجوري 999]

المشاركة الأصلية كتبت بواسطة امل 999 ورد الجوري مشكوووره بس كنت بسالك لازم ارووح واسجل عندهم التخصص الي ابغاها ولا انتظرهم يدقوون انا نفسي كتاب وسنه انتي ايش سجلتي؟؟ بعدين كيف المذاكره معاكي انا مره مالي نفس اذاكر كتاب المصطلح مرره دسم وكلامه كثيرر والله مو عارفه وش اذاكر الله يعين

حبيبتي امل حاسه ان انتي اللي من زمان ادور عليها نشجع بعض على المذاكرة
والله كنت فاقده الامل من التجمع هذا
ولا كنت حدخل التجمع بعد كذا بس سبحان الله من كلامك هذا حسيت انك ودك اذاكري وتلقي احد يحمسك على المذاكرة
وبالنسبة للتسجيل
انا لما رحت للجامعة اسأل عن طريقة تقديم اوراق الماجستير
قلت خليني اروح للجوهرة واسأل
وشافتني استاذة انتظار
وقالتلي ايش بتتخصصي قلتلها كتاب وسنة
قالت روحي لاستاذة مي المدهون واكتبي تخصصك عندها بدل ماترسلكم رسائل على كل وحده
ورحت لاستاذة مي وقلتلها استاذة انتظار قالتلي اسجل عندك بدل....
قالت انا لازم ارسلكم اصلا عشان المكان والموعد وغيرك سجل ولااعرف ايش تخصصه
(عرفت من كلامها ان لازم تراسلنا بالمكان والموعد وايش تبغوا تتخصصوا)
والله انا زيك انصدمت بالتعاريف الكثيرة
لكن قسمته فصول وكل يوم اذاكر جزئية بسيطة
ولازم اراجعه لاني احس ان اللي ذاكرته تبخر
بس لازم تشدي حيلك ومن ذحين تمسكيه
عشان تقدري اتذاكري علوم القران وفي كتاب ثاني في الحديث
اسمه اصول التخريج ودراسة الاسانيد للطحان لازم نقرا منه كمان خايفة يجيبوا منه شي واذا ماجابوا منه في الاختبار يمكن يسألونا منه في المقابلة
ولازم تقري في سيرة الرسول كمان يمكن يجي منها
وترى في المقابلة حيسألوا عن حفظك للقران كم جزء
انا صحبتي سألوها وقالتلهم ثلاث اجزاء بس ماقالولها سمعي
انا خايفة كمان يسألونا خلينا نحفظ لو جزء عم (الله من الفشايل ماني حافظه شي)
هذي كل الهرجه وختاما ارجع واقلك شدي حيلك وفالك المليون قصدي الماجستير(متأثرة مره )