[الكاتب]

وعليكم السلام

إستخير والله يكتبلك اللي فيه الخير سواء بالأكاديميه السعوديه للطيران المدني أو بكلية الحاسبات
ومثل ماقيل ماخاب من استخار ولا ندم من استشار

المشاركة الأصلية كتبت بواسطة طالب منكوب مزايا الأكاديميه دراسة ثلاث سنوات والتوظيف المباشر باحدى المطارات بالسعودية ...؟ ..

لاتنظر لها على أساس إن التوظيف مضمون وثق ثقة تامة كلن بيأخذ رزقه سواء هنا ولا هناك
ولا تكون نظرتك على ذا الأساس ولا تفكر فيه ألحين بدري عليه أهم شئ الدراسة
شف الفروق بين التخصصات اللي بالاكاديمية والتخصصات اللي عندنا
حسب علمي التخصصات المطلوبة بالاكاديمية (مراقبه جويه / إطفاء وانقاذ /صيانه الاجهزه الملاحيه)
بس للأسف المميزات عند التوظيف ماعندي أي خلفية عنها علشان أقدر أفيدك
حاول تسأل عن كل تخصص وعن المميزات بعد التدريب موب وظيفة وبس لأنه هذا مستقبل

المشاركة الأصلية كتبت بواسطة طالب منكوب وش رايكم انا طالب بكلية الحاسبات تخصص نظم المعلومات قطعت 40 ساعه والترم هذا عندي 18 ...؟؟ الله يرضى عليكم اشيروا علي واعطوني الأسباب لأنني في حيرة من أمري .. ..

خل نحسبها مع بعض
40 ساعة + 18 ساعة = 58 ساعة نقول 60 ساعة يعني توك ماكملت نصف ساعات التخرج لأن إجمالي ساعات التخرج للخطة الدراسة الجديدة 140 ساعة (خمس سنوات مع السنة التحضيرية )
بس والله الحاسب حلو ولا تنسى طلاب الخطة الجديدة مهتمين فيهم ومخصص لكم تدريب صيفي وش تبي أحلى من كذا وفيه فرق بالشهادة هذي بكالوريوس


أتمنى لك وللجميع التوفيق


أخوك / الكاتب