[فتاة اقرأ]

بالنسبة لاختبار الانجليزي

اغلبه ما يتذاكر ههههههههههههه

القطعة طبعا خارجية ويعتمد على محصلة الكلمات اللي عندك ومدى فهمك للكلام المكتوب

مرات يكون كلام سهل وواضح ومرات يجيبوا مواضيع علمية فيها شوية كلمات صعبة

بس ممكن تتفهم من الجملة نفسها .

الليسننق ما يتذاكر يعتمد كله على حاسة السمع عندك

يعني شغلي الرادارات كويس ونظفي اذنك مضبوط

وحاولوا تدربوا نفسكم على اللسننق بالcd اللي جا مع الكتاب لمن اشتريتوه

عشان تعرفوا طريقتهم في الاسئلة والنطق وووالخ .

ملاحظة: استاذتنا قالت قبل ما يشغلوا الشريط قولي للمراقبة استني خلينا نقرا الاسئلة الاول

عشان يكون عندك فكرة عامة عن الموضوع وتركزي على الاجابات لمن تسمعي الكلام .

قسم القرامر والفوكابلري :

سهلة جدا وهي اللي تتذاكر واللي ان شاء الله نضمن الدرجات فيها

القاعدات حق الوحده الاولى والثانية جدا سهلة ونعرفها من ايام المدرسة والفوكابلري يعني الكلمات

اللي ناخذها بكل يونيت ومعناها بالانجلش وبالعربي عشان الفراغات وصلي والخ .

نجي للقسم الاخير واللي هو همي الاكبر وهو الرايتينغ :

المواضيع بتكون قريبة للي درسناه زي ما قالوا بس برضه يعتمد عليك على مدى قدرتك على كتابة تعبير

ملاحظة: الاستاذة قالت اكتبوا جملة رئيسية و3 جمل داعمة وجملة تختمي فيها الموضوع .

ونصيحة لكم لا تحاولوا تعبروا بالعربي وتحولوه انجليزي لان هذا صعب جدا لان لغتنا العربية لغة غنية بالكلمات

ودسمة جدا اما الانجليزية على قول استاذتنا لغة هايفة اغلب كلماتها بسيطة .

فحاولوا تكتبوا ابسط الكلمات والجمل اللي ممكن تعرفوها وركزوا علىق واعد كتابة التعبير وهي:

1- ان العنوان ينكتب بداية كل كلمة فيه بحروف كابيتال .
2- تسيبي مسافة خمسة * قبل ما تبداي اول جملة في التعبير .
3- كل جملة لازم تبدا بحرف كابيتال وكل جملة تنتهي بنقطة.
4- لو في تعداد في تعبيرك لا تنسي تحطي الفواصل بين الكلمات واخر كلمة في التعداد اكتبي قبلها and .
5- اكتبي التعبير بانسيابية والجمل ورى بعض انتبهوا انكم تكتبوه بطريقة التعداد او كل جملة بسطر .

وبهذي الطريقة تكونوا على الاقل ضمنتوا درجات الشكل العام للتعبير والعمل بقاعدات كتابة التعبير .
حتى لو كان الاملاء خاطيء او الجملة غير معبرة بشكل صحيح .

عندي سؤال واحد فقط : كم مدة اختبار الانجليزي ساعة ولا ساعة ونص ؟؟

والله يوفق الكل وخلونا ندعي لبعض.