بالعكس يا أخت غند ريم سائحي تجربتي معاها كويسة في البرزنتيشن كتبت عن فيلم بنفس الطريقة اللي في رايتنغ 1 يعني عن انو فيلم رائع يتحدث عن كذا وكذا ونوع الفيلم وملخص بسيط مرة عن أحداثوا وأهم أبطالوا بعدين ايش عجبني في الفيلم وبس ومرة عسل ما قاطعتني ولا مرة ولا سألتني ولا سؤال وحطت درجتي قدامي بس اللي طلبتوا في بداية المقابلة انو اكتب لها اسم الفيلم واسمي والرقم الجامعي وبعدين قالت ابدئي وصراحة تراعي مرة في الدرجات خصوصا في الاختبار لو تفتكري السؤال الاخير كان ضعي في جمل وانا عرفت لها لاني ما فهمت المطلوب وحتى الفتكشن والله كتبته من راسي من كثر ما كنت ناسيتو والحمدلله درجتي معاها مرة حلوة وما توقعتها الله يسعدها تحسيها تعطيك حقك وزيادة لكن اهم شيء تتكلمي عن شيء انتي تفضليه عشان يكون لك سهل بإذن الله في البرزنتيشن وترى أحس لو انو في البزنتيشن لو كونتي كويسه ترى تساعدك في الاختبار النهائي وبس اتمنى اكون افدتكم ولو بشي بسيط والله يوفقكم جميعا ودعواتكم.