[υикиσωи]

المشاركة الأصلية كتبت بواسطة sultan_jeddah اللي عنده غيره مايتزوج طبيبه ... ... واللي رجال وتهمه سمعته وجاهه ماياخذ طبيبه .. زبدة كلامي

معليش ممكن توضحلي علاقة السمعة بالزواج من طبيبة ..!؟
ترا هيا بتداوم في مستشفى قدام الملأ.. مو في محل تاني ..!! ..

المشاركة الأصلية كتبت بواسطة دولة الرئيس أبوعزة أولا : لأني لما أفكر أتزوج راح أدور على راحتي...وما أظن فيه وحده تشتغل في المجال هذا ومرتاحه ومريحه اللي معاها...خرجات في اوقات ما لأمها داعي...دواااام طوييييييييييييييل...حتى يمكن أنسى ملامحها قبل لاترجع البيت<<قويه شوي..

للمعلومية .. في تخصصات فيها مناوبات وفي تخصصات مالها مناوبات ..
المدرسة لو قلنا دوامها من 7 لـ 2 ..
والدكتورة دوامها من 8 لـ 4 ..
الكوفيرا دوامها 8 ساعات او اكتر
الفرق بينهم ساعة او ساعتين .. ;)

المشاركة الأصلية كتبت بواسطة دولة الرئيس أبوعزة ثانيا : وبعد لما أتزوج راح أدور لعيالي أم ترعاهم وتربيهم...مش خلف وارمي ويينك يالإندونيسية...لا أنا أبغى أم أم....وهذا ما يعني أن كل الطبيبات أو الممرضات ما عرفوا يربوا...لا أعوذ بالله ...ولكن مما أرى من وجهة نظري أنه ما ينفع..

كتييييييييير أطباء وطبيبات .. ابناءهم وبناتهم أطباء ..
وانتا عارف مو احد يدخل الطب .. فمعناتو كان في احد وراهم يرعاهم .. ^^

المشاركة الأصلية كتبت بواسطة دولة الرئيس أبوعزة ثالثا : مشاكل الإختلاط هذي مشاااكل...وترى الأخوان اللي قالوا فوووق أن مشاكل الممرضات في المستشفيات كثيييير...فهي فعلا كثيييييير...وروحوا المستشفى الجامعي وألقوا نظرة ...واحكموا...

الاختلاط موجود في اماكن كتيييرة
والله استغرب من ناس كتييييييرة نشوفهم ما يدخلو بناتهم عشان الاختلاط
وتدخل البنت ادارةواقتصاد مسلا .. وتتوظف في مستشفى .. بسس بمسمى تاني غير (دكتورة)
ولا تانية متخرجة من تصميم داخلي ... وتشتغل في مكتب .. هيا الحرمة الوحيدة بينهم .. ومكتب ( مغلق )
ولا تخصصات تانية .. تروح تكمل دراستها برة .. وتدرس دراسة مختلطة ..

يا جماعة حكمو عقولكم ..
لا تمشو على عاداتكم وتقاليدكم ..
مو كل شي الناس تقول انو عيب تمشو وراهم .. ^^

المشاركة الأصلية كتبت بواسطة رقة الورد أتني ما تشوفي في الجرايد وتسمعي قصص الناس في التحرش بالنساء العاملات في اختلاط ..

بسس أطلب منك طلب .. اكتبي في جوجل ( تحرش بفتاة ) .. وقوليلي كم النسبة الي طلعتلك للتحرش في اماكن العمل .. ^^

المشاركة الأصلية كتبت بواسطة pharm.d .s حبيبتي أنا مو بس سمعت أنا شوفت بعيوني...على فكرة أنتي لو منتي عارفة أنا معاية ماستر و كنت بروح لصحباتي الي بيشتغلوا في معامل مختلطة مع رجال بشوف الدكتور(الي هو دكتور في الجامعة على فكرة) بيحط يدة على يدها طول الوقت (وهي في قمة حجابها)قلك بنشغل تجارب مع بعض!! ولمن قلتلها كيف ساكتة ..قالتلي هو طول الوقت بيقلي حبيبتي وعمري ومن ذا الكلام وما أقدر أسوي شئ عشان سمعتي وهو كذا مع كل البنات الي يشتغلوا معاة.. هذا غير الحركات الي من تحت لتحت (من تحت الطاولة).. حبيبتي اذا كنت اشتغلت مع كم واحد محترم ترى مو كلهم كذا ..ومصيير الأيام تبينلك عشان كذا أنا أشوف(ابعد عن الشر وغنيلة)

دا ما يقلل من احترامنا للدكاترة والدكتورات ..
في كل محل ممكن تلاقي الاشكال دي .. وهادا نموووذج واحد من بين الااااف الدكاترة المحترمين
وما يخلينا نعمم

عدد من بنات العيلة الدوكتورات وصاحباتي اللي اكبر مني .. عمرو محد اشتكى من حاجة زي كدا ..^^

وبنسمع حاجات اكتر من كدا في كل مكااااان .. بنسمع ناس جالسين في بيتهم بيغتصبو ..!!!





--------------------------

قريت لحد هنا الردود واتيقنت انو لسع المجتمع بينظر للطبيبة نظرة دونية ..
فمعناتو فرصتها للزواج متدنية جدااااااااا ..
بسس برضو ما في شي يمنعنا من انو نكمل مشوارنا الي اخترناه .. ^_^