ما ابغا احطمك
بس وحدة كانت معايا في الكلية جاها تسمم
عملولها غسيل معدة
لما سألها الدكتور ايش مآكلة انتي؟
وكانت يومتها ما اكلت غير بيتزا من رابيس وقارورة مويا
قالهم شكلو البيتزا بايتة !!
المهم اعطاها تقرير وتبرر موقف السيد رابيس والبنت طلعت اللي غلطانة
وقال مشترية البيتزا من كم يوم ودوبها تفتكر تاكلها !!!
من زين البيتزا تشتريها وتحتفظ فيها خايفة ماتلاقيها تاني يوم
بس عشان ما اصير ظالمة يعني البنت ما اعرفها مزبوط يمكن تكون مسوية دي الحركة.. الله اعلم !!
وفي الموضوع نفسو كنت اتناقش مع قريب ليا
موظف في الجامعة وكان يسألني ايش هدفك في الحياة؟
قلتلو: اصير عميدة الجامعة
قالي: اش معنى؟
قلتلو: عشان انهي شي اسمو رابيس من الوجود
قالي: غيرك اشطر
وذكرلي اسباب تشبت الجامعة بالسيد رابيس
ومايحتاج اذكرها لأنها اسباب معروفة وتوجد في معظم الإدارات الحكومية :d
والله يصلح الحال والأحوال
^^