[مشمشانا]

من رأي الشخصي :

الشروط جدا جدا سيئة وتسئ للكرامة يا ادخل مكان بكرامتي او بلاش منو وعلى أيه على كورة
اعتقد ان الانفعال امر اجباري في هذي المكان فالطبيعي انو المرأة حتنفعل وممكن تصرخ
او تعمل اي شي وهذا حيكون جدا جدا ملفت للرجل وطبعا كلنا نعرف انو دا ما يجوز
لاننا منعنا من لبس الخلخال في الرجل لانو صوته ملفت للرجل صح ولا لأ ؟!!

انا مو ضد انو البنت تنبسط وانا بنت واحب افلها على الاخر حابة تفليها وتنبسط وتطيحي اللي براسك
اعملي حفلة انتي وقريباتك وصحباتك وجيرانك واعزمي اللي تبغية البسي زي ماتبي
وانبسطو جيبوا الاكل اللي تحبوه جيبو بخاخات و طاردو بعض ترى عادي
جيبلوكم سيدي طرب وتنافسو بكيف كيفكم حابين تتفرجو مباره اوك
اعملي الصالون زي المدرج وجيبي بنات يشجعوا الفريقين و عيشي الجو << ينفع ولد يعمل كدا؟!!
مو ضروري نروح ملعب ولا غيرو نعرف نبسط نفسنا بنفسنا

انا مستغربة من تحقير الرجل للمرأة والمرأة للرجل كل واحد فيكم شايلة الشيلة على الثاني ليه ؟
ترا كل واحد لو أهميتو ودوروا وما احد اهم من التاني
البنات اللي يذموا في شباب السعودية ترا ابائكم سعودين وكانو شباب واخوانكم وعمانكم وخوالكم كلهم سعوديين
الشباب اللي يذموا بالبنت السعودية ترا امهاتكم سعوديات وكانو بنات واخواتكم وعماتكم وخالاتكم كلهم سعوديات
مافي بنت جات من دون اب ولا ولد جا من دون ام اللي ربوكم وكبروكم هما الاتنين

البنات معترضين انو الرجال يفكرو عنهم ويتاخدو قرارات انا معاكم احيانا بس مو دايم
لانو مين اللي تاخدي شوروا من ابوكي وهوا رجال وهو بيحدد قرارات مصرية بحياتك
دحين لو تقدملك واحد وابوكي حكم انو ما يصلحلك بتوافقي عليه ولا بتقولي بابا قال مو كويس وتبطلي

الرجال اللي مهم معترفين باهمية دور المرأة لو جيت بتخطب بنت وامك قالت لا ما تناسبك
او فيها شي بتاخدها ؟ طبيعي لأ بتقول امك قالت دا الشي معناتو صح وبتاخد برايها


اخيرا انا مالي في الكورة ولا احبها وما قد شفت مبارة غير مبارة ايطاليا وفرنسا بكاس العالم عشان خاطر وحدة
فما بيهمني موضوع الملعب بكبرو و احس انو مالو داعي ابدا


تقبلو مروري بصدر رحب