[من لايمنع الشر.. يحبذه]

هههههههه من جد الصراحة باين جدا جدا جدا جدا جدا انك مافهمتي كلامي صح .. لانك بتقولي اني بادافع واعارض نيابة عن صاحبة الموضوع هههههههههه

صاحبة الموضوع ماتحتاج احد يدافع او يعارض عنها .. اعتقد مدام بتتحمل مسؤولية كتابة موضوع زي كذا .. راح تعرف ترد بطريقتها الخاصة ..

ومحد قاللك لاتروحي الخيمة ولاتشوفي ولا تقولي الحق .. قولي وسووي اللي تبغيه محد ماسكك ..

ومحد قاللك لا تتكلمي عن موضوع التدريب والمدربات .. كنت باقول بترجعوا لنقطة البداية .. ماقلت لاتتكلمي .. فيه فرق ترا ..
ولمن اقول (( ربما )) سارت مشكلة من مشاكل العالم ولازم اتحاسب عليها وسرت دحين انا من قروب البنات ,,,(( ماني عارفة من اللي بيثبت الشي على نفسو )) ..

ومحد قال عيييييييييب ولا حرام يروحوا البنات الشؤووون .. بس شكلك من جد ماتعرفي انتي غير الشؤون ..والله يوفقك ويجعل البنات زيك .. يارب آآمييين ..

هههههههههههههههه النادي البنات بيسعوا ويدورا عليه من 3 سنين .. ماجاه دحين لمن انفتح يقعدوا ولا يدوروا عليه ..
(( بالذات بنات النادي من دون البنات كللهم )) ..

والموضوع لمن طرحتو الاخت دنيا القوي طلبت رأي الجميع والنقاش في الموضوع .. يعني ::
ياأختي لمن تحطي موضوع كلنا نتناقش عليه .. مو نقعد نسنتنى ونحط رجل على رجل الين صاحبة الموضوع تجي وتدينها رأيها وبعدين نرد عليها .. اذن ايش فايدة والمنتديات .. كان عملت الاجتماع والنقاش خارج نطاق التكنولوجيا والتقنية ..

هههههههههههههه

ومايحتاج أعمل اقتباسات لكلامي معاك .. اعتقد انك قريتي الموضوع .. وماني عارفة من فين جبتي كلمة (( جبتي كلام مالو دخل في الموضوع )) (( والكلام اللي فوق كمان )) اظن فيه شي بين السطور لا استطيع أن اراه ...

ولمن قلت لاتدخلو في فروع اخرى (( تسبب مشاكل أكبر )) يعني لمن تتكلمو في الموضوع دا كتير سواء صح او غلط .. راح تحطوا اصحاب الشأن اللي هما المدربات اللي (( غاليين عليا ويهموني كتييييييير )) في موقف يكونوا فيه تحت المجهر من اصحاب السلطة العليا .. وأنا اعلم أنهم بيهتموا بالتدريب وأنا تخرجت من الجامعة وتدربت على أيديهم .. حيكونوا تحت ضغط جسماني ونفساني .. أتمنى يكون وضح الكلام ..

وان شاء الله ماتجيني بكرا وتقولي طيب انا ماقلت حاجة ضدهم قلت حاجة تساعدهم .. حاقوللك انا عارفة ياأختي انك جاية وصاحبة قلب طيب وعاادلة وتبغي تقولي اللي في نفسك ...

اوكي

وكمان اللي هوا آخر شي ... برضوا أنا ماقلت ردك مالو داعي ...

من جد ماني فااااااااهمة ليش الكل بدون استثناء يفهم كل شي ضدوا وكل شي انو هوا المقصود ..
من جد صدقوا لمن قالوا اللي على راسو بطحة يحسس عليها ..






الله الهادي بس ..