[THE EXPERT]

انا في ردي هذا بأكون عكس التيار وياليت تتقبلون ردي بصدر رحب

وهذا ليس من باب خالف تعرف

ولكن أعتبروني الرأي الأخر او صوت هؤلاء==> من يكتبون الأستفسارات

طبعا قبل كل شيء الكل يعلم ان هذا القسم يعتبر واحد من انشط الأقسام في المنتدى أن لم يكن انشطها على الأطلاق .

طبعا في البدايه كنت اتذمر من هذا الأمر(مثلك ومثل الأخت حنين ) ولكن الآن لا أشره عليهم أبدا أبدا أبدا بل يحق للجميع ان يستفسر بشرط ان يكون استفساره واظح من خلال اسم الموضوع ولو كتب جميع كلمات الأستنجاد .


طيب خلينا نحسبها شوي بلغة الأرقام وهي اللغه اللتي لا تكذب

كم عدد الاعضاء اللي متواجدين اللغات الأوربيه
تقريبا 300 عضو
طيب كم عضو نزل موضوع مفيد ( ملخص, أسألة اعوام سابقه , تحديد لماده , كتاب , برنامج مفيد . موقع مفيد .
)

بصراحه ما يتعدون ال30 عضو واللي شاك في الكلام هذا يروح ويشوف المواضيع المميزه ويقرأ اسماء الأعضاء اللي كاتبينها تجدهم متكررين .
طيب ال 270 عضو الباقين وش قاعدين يسوون في المنتدى

طيب البعض بيقول وش دخل هالكلام في سالفة فتح المواضيع

المقصد من هالكلام ان 90 % من الأعضاء بس يدخل ياخذ ويستفسر وياليت يشكر ....

طبعا انا ما الوم اللي يستفسرون حتى ولو فتحوا موضوع جديد ولا الوم الأداره حتى لو نقلت الموضوع .
وبعدين يا أخ انقلش بوي اغلب اللي يستفسرون هم طلاب وطالبات الانتساب . ومستغلين هالمنتدى للأستفسارات فقط . وياليت تدري عن حالنا كيف( من ناحية الحصول على المعلومه ),,, فلك أن تتخيل معي ,,, تخيل تعطى كتاب(مثلا النقد الأدبي) ,, ويحدد لك موعد الأختبار فقط,, وعندك هالمنتدى الوسيله الوحيده للتواصل مع منهم معك في نفس هالماده ,, وانت جالس تذاكر الماده,, وفجأه طرى على بالك سؤال,, والكمبيوتر قدامك ,, اكيد راح تفتح المنتدى وتسأل سؤال واكيد ماراح يكون عندك هذاك الوقت حتى تبحث اكثر من خمس دقايق واكيد انك راح تكتب كل كلمات الأستنجاد اللي تعرفها حتى يجيك الرد في اسرع وقت حتى تستطيع ان تواصل المذاكره ,,,
فعلاقة الطالب المنتسب مع الجامعه ( رسوم => جدول=> أختبار ) مافيه كتاب ولا فيه دكتور لا فيه وسيله للتواصل مع الدكاتره حتى يردون على استفساراته ( يعني الله يوفق من سوى هذا المنتدى وخلاه الوسيله الوحيده وغير الرسميه للتواصل)




وبما ان الموضوع عن الرقي بالمنتدى

ومن باب العتب ,,, نفسي ان طلاب الأنتظام يتفاعلون معنا في المنتدى ,,, بصراحه ما اشوف لهم تفاعل ملحوظ يخص الجامعه يعني لو يكتبون طلاب الأنتظام الأسأله الدوريه اللي تجيهم بس هذا يكفينا حتى نعرف الشيء الكثير عن الماده والدكتور

طبعا الكلام هذا لطلاب الأنتظام والا طالبات الأنتظام ما شاء الله . لو تفتح بنت موضوع وتعطس والا تكح فيه على الأقل يجيها عشرين رد ...

طبعا اتمنى بدل التركيز على مواضيع الأستفسارات اتمنى التركيز على شحث الهمم لكتابة مواضيع اكاديميه مفيده ....


بالنسبه للأخت حنين ... اولا اشكرك على مجهوداتك الجباره في هذا القسم وياخوفي ان هذا يؤثر على مستواك التعليمي فبصراحه مجهوداتك ملحوظه ,,,,

بصراحه اشوف تذمر شديد اللهجه منك على كثرة الأستفسارات .. وصعبه ان العضو يكتب استفساره في موضوع الأستفسارات اللي ما يدخله الا المراقبين وعدد صفحاته كثيرا وأنتظر رحمة من احد الأعضاء او المشرفين يكون فاضي ويقرأ كل هذي الصفحات ويرد علي .. ولكن اتمنى من أدارة المنتدى ان تعمل على حذف المواضيع الخامله اللي مافيها ردود لمده شهر او شهرين مثلا .

وبالتأكيد ان الموضوع المميز راح يفرض نفسه والموضوع العادي راح ينزل اوتوماتيكيا هذا من جهه

وفي رأي ان الصفحه الأساسيه للقسم سيكون للأستفسارات والتجمعات والمواضيع المميزه

ثم يقومون مشرفين القسم (مشكورين) بأخذ المواضيع المفيده ويثبتونها وهي المواضيع اللي لها فائده

والأكثر تأكيدا ان المواضيع المتميزه سوف تنقل لقسم الملخصات والمواضيع المميزه يعني ما الفائده من 298 صفحه ... أكيد انها للأستفسارات ...

والان اجي لأقتراحي

اتمنى نقل المواضيع العامه المفيده للغه الأنجليزيه(مثل كتب انجليزي , أفلام . قواميس ألكترونيه . مواقع مفيده .) . الى قسم المواضيع المتميزه . او عمل قسم لها (لانها حراااااااااام تضيع هذي المواضيع ) فهي الوسيله الوحيده اللي تخلي المتخرج يبقى متواصل مع المنتدى . لان فيه مواضيع عامه مميزه ومفيده ( لا تتعدى العشرين موضوع ) وأكيد انها ستدفن في 298 صفحه



في الختام اتمنى ان تتقبلوا هذا الرأي بصدر رحب ....

أخـــــــــــوكـــــــــم
the expert