[دنيا القوي فيها حكم]

المشاركة الأصلية كتبت بواسطة نـ ج ـود السلآمـ عليكمـ . . حآبه أعلق عن اللي أعرفهـ بالنسبه للتدريب اللي اعرفوا إنو دا السمستر كلو تسجيل وبعد ماخلص التسجيل الاسآسي حآليا بيستكملوا إجراءات التسجيل ,, كلاسآت التدريب تبدأ السمستر الجآي ,, الحآلي : أي بنت مسجله تبآ تدخل الخيمه تلعب مسموح لها تمآرس اي ريآضه تبآها ادا كآنت المدربه فآضيه وطلبتي منها تدربكـ حتدربكـ (الشآهد على كدا العضوه نيرآن وهي حآطه موضوع في قسم المنتظمين ) وبرضوا المشرفآت في النآدي ومسآعدآت الكآبتن لو طلبتي من أي وحده فيهم تدربكـ مآعندهم مشكله (بس طبعا لا تجيهم وهم بيشتغلوا في التسجيل , أو في قيم بيلعبوآ ) ,, وكتيير بنفسهم بيجوآ ويدربوا البنآت المبتدئات اللي يدخلوآ ويلعبوآ لحآلهمـ ,, وهالشي حآصل قدآم عيني يوميآ انا بروح ألعب وبشوفهمـ ,, ,, بالنسبه للأولمبيآد أنا شفت الاعلان في الشؤون معلق في غرفة 32 قبل اكتر من اسبوع والاسبوع اللي قبل الاولمبياد كآن كلو تدريب للبآسكيت والريشه والطآوله تدريب مكثثثثف جدااا ,, وكأني قريت انو المدربآت مدري المشرفآت مآعندهم ليآقه <<مافيه ارجع اتأكد :p بس لو كان صح اللي كتبتو .. فاللي قالتو غلطآآآآنهـ .. لأني بشوف الليآقه كلها في الخيمه . . بس دآ اللي اعرفوا وحبيت اقولوا جسسست ^-^

عليكم السلام ورحمة الله وبركاته

أهلاً بكي أختي نجود وتسعدني مشاركتك

أحب أعرفك عن شيء.. شغلة السمستر كامل يكون تسجيل هذا خطأ ويدل أن الخيمة الرياضية تعيش في حالة من الضياع
لأن التسجيل يكون عادة في أي نادي من أندية الجامعة ولجانها (( مثلاً اللجنة الثقافية أو النادي القرآني أو النادي الإنجليزي أو التوعية الإسلامية وغيرها من اللجان )) أسبوع واحد فقط أو أسبوعين على الأكثر مو ترم كامل وتقدري تتأكدي من كلامي وأسئلي بالشؤون أي نادي فيه
ولو أنا مشيت على كلامك وسجلت هذا الترم وأنا مثلاً خريجة بنفس الترم اللي سجلت فيه يعني مو من حقي أتدرب وألعب بالمهارات الأساسية؟!

ونجي لشغلة الجداول كلنا عارفين أن الجداول لو كانت مناسبة هذا الترم أحتمال الترم الجاي ماتناسب فليش أنحرم من ترم أكون فاضية فيه وما أقدر ألعب بحجة التسجيل ترم كامل (( طبعاً الكلام ما ينطبق على طالبات الإنتساب لأن محاضراتهم متأخرة))
ولو كمان مشيت على كلامك طيب التسجيل يكون من 10-12 يعني الخيمة مفتوحة من 8-2 يعني باقي الوقت أيش يشغلهم عن التدريب مع العلم إنهم حاطين جدول للتدريب يعني ليش ما ألتزموا فيه

وشغلة أي طالبة تلعب مسموح لها طيب أنا معاكي وفيه بنات مايعرفوا ولاشي ويبغوا يلعبو وكمان فيه بنات يعرفوا يلعبوا واحتمال كبير أنهم يظلموا البنات المبتدئات عشان لا تخرب اللعبة يعني لازم كل بنت تنحط في مكانها الصحيح يعني المبتدئات مع بعض والناشئات مع بعض والمحترفات مع بعض حتى يصير فيه تكافؤ وعدل باللعب ولو تلاحظي إنو لمن يكمل عدد من المحترفات أو الناشئات على طول يبطلعوا المبتدئات عشان يلعبوا من غير ماينحسب وقت أصلاً (( يعني اللي يعرفوا يلعبوا إذا ما خرجوا من نفسهم أو ما كانوا محتاجين يكلموا العدد مارح يلعبوا مبتدئات))
ممكن أنا وأنتي مانحتاج تدريب بس غيرنا يحتاج
يعني هذه المبتدئة اللي جات ويمكن ما يكون عندها غير بريك ساعة وحدة وجلست تتفرج ما أستفادت لا لعبت ولا أتدربت
وكمان لو جمعناهم كلهم بالكلام الخريجة هذا الترم والمبتدئة والناشئة والمحترفة مو من حقهم يلعبوا صح لو ماتعرف مو من حقهم يدخلوا دوري ويلعبوا حتى لو ودي أو فريقين بس أكتلموا (( صارت أولمبيااااااد على فريقين يعني عادي عندهم )) ومو من حق كل وحدة يكون عندها فريق ومو من حق كل فريق أنه يكون عنده خطط أو حتى يلعبوا مع بعض لاتفكري فيه وفيكي مثلاً مع أننا نحتاج تدريب فكري طيب بالبنات اللي نفسهم يلعبوا صح ولو سئلتي أغلب بنات النادي حتقول أفضل أتدرب وبعدين ألعب

وكمان في شيء وأتوقع لاحظتيه أن كل المبتدئات اللي يجون يلعبوا بعضهم تلعب حفيانة بدون شوز (( الله يكرمكم )) وبعضهم بصندل أو زحاف يعني مساكين حتى قوانين النادي ما يعرفوها وهذا ممكن يعرضهم لإصابة لا قدر الله

وبالنسبة للإعلان اللي شفتيه أيش كان مكتوب فيه لو ممكن تقوليه
كان مكتوب مثلاً (( أنو فيه أولمبياد بأمر من خادم الحرمين الشريفين للسيدات ونطلب ممن تجد لديها الخبرة الكافية في لعبة تنس طاولة أو سلة أو ريشة التوجه للخيمة لتقيمها؟؟))
وبعدين في غرفة 32؟؟ ينفع مثلاً أكون دكتور وبحط ليه إعلان أروح أعلقه في سوبر ماركت!!! يعني لو أنا ماعندي إلا ساعة وحدة بريك حروح للشئون أقرئ الورقة ولا رح أروح الخيمة مع العلم أنه فيه لوحة إعلانات بالخيمة ليش ما أنحط فيها هذا الإعلان اللي شفتيه يعني ممكن أسكت لو كان الإعلان معلق في الخيمة

وكمان أنتي تقولي الأسبوع اللي قبل الأولمبياد كان كلو تدريب ومكثف جداً أعذريني بس الكلمة مبالغ فيها لكن رح أمشي معاكي وقبل كذى الأخت come قالت أنه ما جاء خبر عن الأولمبياد إلا قبل أسبوعين وأنتي تقول الأسبوع اللي قبل الأولمبياد كله تدريب وقلتي أنك شفتي الإعلان موجود قبل أكثر من أسبوع يعني المفهوم إنو فيه مدة بينهم لو أسبوع وهذا يؤكد كلامي أنو الخبر موجود من أكثر شهر

وبالنسبة للمدربات أنتي بنفسك قلتي أن الترم كلو تسجيل يعني مافي الحركة والبنات يجون ويلعبوا من غير تدريب وقلتي لا تروحي وهمن يلعبوا يعني عندهم وقت طيب ليش ما يدربوا فيه بدل ما تتسلى هيا أوك من حقها تتسلى وكمان من حق البنات يدربوا يعني لو ساعة بس يقوموا بواجبهم مو شرط طول اليوم
وكلامك يأكد عدم لياقتهم وأنا قلت من قبل خليهم يلعبوا مع فريق يعرف يلعب وبما أنك تعرفي تلعبي رح تشوفي الفرق إذا فيه لياقة أو لا وتتأكدي بنفسك

وفيه شغلة أنتبهت لها من كلامك أنتي قلتي أنه فيه تدريب مكثف للريشة والسلة والطاولة كان اللعب مرة وحدة بس وبيوم واحد ومافي أحد يستعد لدوري بيوم واحد وتقدري تتأكدي من البنات اللي شاركوا البطولة (( طبعاً لو شفتيهم بالخيمة حالياً )) طبعاً أستثني السلة لأنهم أتدربهم ثلاث مرات مو مرة
والشيء الثاني أنه واضح من كلامك أنو كان فيه طاولة تنس طيب ليش التنس بس اللي راحوا لعبوا بالسكن وماشفناهم لعبوا في الخيمة
طبعاً عشان فريق التنس كان نفسه فريق السلة وما يبغون أحد يعرف كأن البطولة حكر عليهم
يعني لو كانوا يعرفوا يلعبوا تنس طاولة ممكن الواحد يسكت بس ما يعرفوا وينحطوا لييييييييييييش؟؟

وشكراً لمرورك مرة أخرى