[سكووت]

مدري كيف اوصل فكرتي لكـ اخ عادل ولصاحبة الموضوع ..

لكـن تقريبا بنت قحطان قربت من الفكرة ..هنا بالمجتمع تربينا انو نخبي دي المشاعر ومانطلعها
اعتقد دا سار لو تأثير انو الحب هنا مايطلع وماينعلن ويصير فترة وتنتهي اعتقد فكرة الحب في بلدنا مو واضحة بسبب المجتمع اللي ربانا كدا ..رغم انو الحب موجود بطبيعه الانسان ..لكن بمجتمعنا ماحد يقدر يعبر عنو ..
اغلب الشباب بالجيل الحالي استهون بالحب فسار كل يوم يحب بنت والبنت كل يوم تحب شاب (البعض)

عكس بالخارج يوم تشوف الحب شي كبير عندهم والحب الاول لو مرة عشرين سنة ماينسونو حتى لو سارت مشكلة بينهم تلاقين احد الطرفين منهار ودمعتو على خدو ويحاول المستحيل عشان الطرف الاخر ..
ياترى دا الاحساس هنا ؟؟في بلدنا ؟؟اللي كل شي عندنا عادات وتقاليد وممنوع ومايصير ؟؟
اللي عندهم اذا البنت فكرت تحب خلاص سارت غير شريفة ماحد يبغاها ولازم تنكتم وتحط مشاعرها بداخل قلبها لمن تتزوج وتروح !!
هنا مو فاهمين معنى الحب الحقيقي الراقي عشان مو متعوديين عليه اغلب الشباب سار متربي انو لو فلانة حبتك وضحت عشانك ترا حبت الف غيرك وضحت لغيركـ ..العادات خلت دا الفكر يترسخ بمخ(البعض)
ايوا احبها هيا طيبة معايا حنونة و و و لكن نعم ؟؟ايش ؟؟اتزوجها هاهاها لا تلاقيها حبت غيري الف ..
عكس برا يتمنى يعيش مع محبوبتو طول العمر لانو كدا تربيتهم ..

بأحد المواضيع هل تتزوج اللي كانت تكلمك او شي زي كدا واحد رد لا الله يغنيني عنها طيب اذا ماتحبها ولا تبغاها ليه تخليها تتعلق فيك وتكلمك ؟؟مدام المجتمع كدا مربينا حيبقى الحب هنا حب بزران مراهقين او لعبة نتسلى فيها كل ماطفشنا الا اذا نزلت معجزة واصبح تفكيرنا تجاه الحب واعي اكثر واعتقد بدري عالسعودية دا الشي عشان مازلت تحت رحمة العادات والتقاليد الحجرية

لو فرضا كنت احب اتمنى اني اعيشها مع شخص ماعاش في بلدي اللي منع عننا دا الاحساس افضل اعيشها مع شخص عاش في بيئة فاهمة وواعية لمعنى الحب بعيد عن لعب البزورة اللي هنا