[S...R]

المشاركة الأصلية كتبت بواسطة ستأتي أيامي هلا وغلا والله العوالة تقوطر من الأسئلة خخخخخخخخخخخخخخ شوفي ياعسل كثري الصوص عشان السينابون ما ينشف ولما يستوي حطي في زبدية بلاستيك لها غطا عشان لا ينشف بسرعه وكمان حطي في الثلاجة لو ماتبغي تاكليه .. الرز أكثر طريقة ناجحة انك تحطي الرز في القدر وتحطي موية زيادة عن الرز اصباع ونص يعني تقريبا سم ونص وأغرسي ملعقة في القدر وشوفي لو الملعقة طاحت معناتو الموية مررررره كثيرة لو جلست واقفة معناتو الموية تمام يعني الملعقة أداة قياس كمان مو تحطي مويا شويا وتجلس الملعقة واقفة وتقولي خلاص تمام لا لازم زي ماقلتلك سم ونص .. وبعدين شيلي الملعقة .. وغطي القدر لا تفتحي كل شويا .. طبعا هاذي الطريقة ما تنفع مع الرز السليق .. ليش تتنفخ البيتزا ؟؟ لأنو العجينة كبيرة ع الصينية .. هاذي العجينة المجرمة تسويلك صينيتين بيتزا كبيرة أو 3 صواني صغيرة لما تفردي العجينة في الصينية لا تاخذي راحتك في العجينة لااااا حطي شويا وأفرديها بأصابعك وأفردي وشدي وشيلي وأرجعي حطي زي كذا يعني مو على طول تنفرد معاكي ما أدري وصلت المعلومة ولا لأ.. بعدين سوي غرزات بسيطة بالشوكة في العجينة عشان لا تنفخ زي التميس بس مو كثير لا شويا بس

الله يعطيك العافيه

ماقصرتي

ايش رايك تسوي دوره طبخ نتعلم