[عابر الصحراء]

يا شباب و يابنات صراحه الخبر الي سمعناه عن فتح باب القبول لطلاب المسار العلمي في كلية الإداره والاقتصاد بصراحه حط طلاب المسار الإداري في موقف لا يحسدوا عليه المهم الي صار صار بس احنا لازم نفكر ا يش نسوي عشان نسترد شي من حقنا يعني من خلال المواضيع المكتوبه واضح ان الخبر اكيد ميه بالميه .

المهم في شباب دخل الجامعه وحاط من اول براسه انا بدخل اداره واقتصاد بعضهم يبغى تخصص معين في كلية الإداره والاقتصاد الأهم من هذا ان بعض الشباب كان تخصصه في الثانوي علمي وقام دخل المسار الإداري لأنه يبغى اداره واقتصاد وبعضهم يمكن درس له سنتين او ثلاث بر الجامعه وقال خلاص الحين وضعي بيتعدل في الجامعه ذي وللأسف يمكن يترك الجامعه لأن اولاد الحلال حرموه من الرغبه الي هو كان متمنيها .

صراحه الموضوع او القرار غلط وفيه تعدي على رغبات كثير من الطلاب والطالبات بالإضافه انه اعطى المجال لكثير من الطلاب الي مفحطين في العلمي انه يلقى له مكان يسد اهماله في دراسته بالعربي ي اخوي انت جالس تشد حيلك وتعبان وتبغى تجيب معدل زين وفي النهايه يجيك طالب في العلمي من وراها انت معدلك عالي وهو معدله تعبان وهو ياخذ مكانك طيب ليش يعني الي حط القرار هذا مافكر الله يهديه عاد العلمي كم 8 كليات والمسار الأداري اربع كليات بس تجي انت تكملها بإداره واقتصاد كمان الموضوع فيه تحيز ولا لو انت تبغى تغير شي من السنه الجديد حتى الطلاب يكون عندهم خلفيه .

المهم احنا نبغى شغل مرتب نتجمع الساعه 10 عند كلية الإداره والاقتصاد يوم السبت اوكى قبل كذا خطاب يتوزع على الطلاب يوم السبت الساعه 8 وخطاب نعطيه لعميد الكليه انا بحط صوره من الخطابين ولي يوافقني يكتب رايه الورق بينطبع ويوزع على الطلاب .

	إلى إخواني و اخواتي طلاب وطالبات / المسار الإداري والإنساني السلام عليكم ورحمة الله وبركاته نظرا لما قامت به الجهات المختصه من فتح باب القبول في كلية الإداره والاقتصاد لطلاب المسار العلمي وما ترتب عليه من حرمان كثير من طلاب المسار الأداري والانساني الراغبين في التخصصات الاداريه حيث تم تحديد 7 تخصصات للمسار العلمي و 3 تخصصات للمسار الإداري وعليه اصبح المجال ضيق بالنسبه لطلاب المسار الإداري فنرجو من حضراتكم التجمع يوم السبت عند مبنى 73 الساعه 10 صباحا والتوجه إلى كلية الاداره والاقتصاد لوضع حل لهذا الخلاف . وشاكرين لكم حسن تعاونكم . والحاضر يعلم الغائب.

	إلى سعادة عميد كلية الإداره والاقتصاد السلام عليكم ورحمة الله وبركاته لا يخفى على سعادتكم القرار الذي اتخذته الجامعه بشأن فتح باب القبول في كلية الإداره والاقتصاد لطلاب المسار العلمي وما ترتب عليه من تعين 7 تخصصات لطلاب المسار العلمي و 3 تخصصات لطلاب المسار الإداري وعليه فإن هذا القرار لا يعطي الفرصه لكثير من الطلاب الراغبين في التخصصات الأداريه حيث ان كثير منهم قد اختار المسار الأداري سابقا املا في الحصول على تخصص معين وهذا يضيق النطاق عليهم في الحصول على التخصص المطلوب وعليه فأنا وجميع اخواني الطلاب نرجو من حضرتكم مراجعة الأمر واعادة التفكير فيه بشكل دقيق وما قد يترتب عليه إضرار بطموحات كثير من الطلاب والطلابات ومن وجهة نظري ونظر اخواني الطلاب والطالبات نرى الحل من واجهتين وهي : 1- إما ان تفتح جميع التخصصات الأداريه لكلا المسارين والالتحاق يكون بناءا على المعدل . 2- أو يطبق هذا القرار مع بداية السنه الجديد ليكون الطلاب على بينه منذ بداية اختيار التخصص. ونعتذر عن الإطاله . وشاكرين لكم حسن تعاونكم باسم/ طلاب المسار الإداري والأنساني