[ام-حمودي]

المشاركة الأصلية كتبت بواسطة الحنونة 1 ام حمودي ... اخاف ارد عليكي وتحسبيني بحبطك واحبط الاخوات .. بس والله انا مااقول ذا الكلام من فراغ الا لاني خايفة على صحتكم ... انا اقولك ايش سويت .. انا كنت في المتوسط مو دبة يعني تقدري تقولي مليانة شوية .. المهم مرة خالي كانت دايماً تتباهى بجسمها وانا ماهمني منها بس كنت ابغى انحف وبس .. المهم وكالعادة تعرفي تفكير البنات ريجيم وماآكل ومدري ايش المهم سمعت انه مو كويس ولا صحي بطلت الفكرة دي .. المهم استخدمت شي فترة معينة بس في الغذاء كل يوم وبعدها وقفتها ووالله الى الآن تخيلي يمكن لي تقريباً 3 سنين عنها ماشاء الله .. والى الآن تسألني مرة خالي انت ايش تشربي !! وكل من شافني يقولي انت ماشاء الله كل مالك تنحفي يعني انا كان مريولي بالمدرسة ميديام والله في ثانية ثانوي ماشاء الله ماشاء الله ماشاء الله والحمد لله اكس سمول .. والله نحفي مو من مرض بالعكس حتى لما سويت تحليل الحمد لله صحتي كويسة اللهم الكالسيوم مرة مهملة في الحليب اختك في الله ايش كنت اسوي .. او بالاصح ايش كنت اشرب .. الشاي الاخضر ... والبرتقال بس ..! والله من جد بينما مرة خالي اعشاب ومدري ايش خرابيط كثيرة تسويها ..وكريمات شد البطن كمان .. كل الحكاية كنت كل مايجي وقت الغذاء الي هي الوجبة الدسمة في اليوم آكل بعدها برتقال لانه .. يقلل من نسبة الدهون(الكولسترول)... وبعدها بكم ساعة اشرب شاي اخضر بدون سكر .. انا عارفة طعمه مايستصاغ وهو مر بس جربي مع الوقت حتستصيغيه حطي نعناع لو تبغي واذا مرة مرة مرة ماقدرتي حطي فتفوتة سكر فيها .. مو فتفوتة مشرفتنا ومع الايام خلاص حاولي تتحركي كثير اعملي رياضة .. لا تشربي موية بعد الاكل مباشرة لانه ينفخ البطن بعد ساعة افضل ...وحاولي تشربي موية كثير ع الاقل 8 اكواب في اليوم لا تنامي بعد الاكل ع طول لانه مو كويس للقلب ... ومافي احسن من حديث الرسول صلى الله عليه وسلم :: ((ما ملأ ابن آدم و عاء شراً من بطنه: بحسب ابن آدم لقيمات يقمن صلبه. فان كان لا بد فاعلا ، فثلث لطعامه و ثلث لشرابه ، و ثلث لنفسه )) من جد انا كنت آكل شي نفسي فيه بس اهم شي آكل الي احسه يكفيني مو يبشمني :)... دا الي كنت اسويه والحمد ع كل حال يارب .. حبيت اكتب تجربتي يمكن تستفيدوا منها اذا حبيتوا والله ينحفكم مثل ماتحبوا بلا اي اصابات

بالعكس كلامك صحيح

انا وربي هدفي الاول المحافظه على صحتي وانا ضد الدايت القاسي

لانه له اضرار

ونصائحك جدا مفيده واكيد بنطبقها

منوره يالغلا