كون يمك
كون يمــــــــــك
ألف هنيا له اللي قعد هالليلة يمك
أنا أحبك
وأنا أحب كل حرف باسمك
وأنا احسن يجرن سوى دمي ويا دمك
كون يمـــــــك
كون حضنك
كون أبوســــــــك
كون أشمــــــــــــــك
كون أحط راسي على صدرك
كون أضمـــــــــــــــــــــــــــــك
*****
الله لا ينطيه كل من راد يحرمنا ويحرمك
أنا اللي تمنيت أبوسك
وأنا اللي تمنيت أشمك
وأنا اللي تمنيت أحط راسي على صدرك
بلكي خدي ...يزيح همك
ناري مـــــا تطفى .. ولا نارك طفت
وعيني قبلك تبكي اذا عينك بكت
اليا متى يا حبيّب تظل من ايدي تطشـــــــــــــر وألمك
كون يمــــك
*****
اليوم قلبي لبابكم بالليل أخذني
واسمع هلك كلها ملتمّين يمك
أنت بطـــــــــارف لساني
ولا أقدر أصيحـــــــــك
وأهلك براحتهم يصيحون باسمك
والله لو تعرف بحالي
قلبك على الباب يركض قبل جسمك
*****
أذكر أيام على بابي ...جيتني محمل هموم
ومن شفتني
تبسمت .. وانزاح همك
وهالسع جيتك
هالسع جيتك من دموعي تخيل يمك
كون يمك
حرف الكاف
|