[عهوود]

اخت ليمونة
انا من الناس اللي اختبروا ستيب شهر 4 والحمدلله كانت نتيجتي ممتازة
أسئلة الاختبار كلها اختياري وتقدري تشوفي نموذج عنها في موقع قياس
الاختبار ماكان صعب بقد ماهو متعب
بالنسبة للجزء الليسنينق كان تقريبا اصعب جزء مو عشان القطع صعبة بس عشان اول شئ الصوت كان مو واضح في القاعة اللي كنت فيها ابدا تاني شئ انا حصلت لي شوية لخبطة لأني كنت اعتقد انه احل في ورقة الاسئلة بعدين اعبي ورقة الاجابة وهاذا الشئ شتتني جدا في الامتحان لكن الحمدلله عدت على خير
الاختبار يعتمد اكثر شئ على الريدينق تقريبا كان كله ريدينق مع شوية قرامر فعشان كذا حاولوا تجمعوا اكثر شئ كلمــــــــــــــــــــــات كل ماتعلمت تقرأي افضل واسرع كل ماحليتي في الامتحان افضل
حتى الاختيارات حقت القطع تعتمد على فهمك للقطعة بعض الاسئلة مباشرة جدا لكن اغلبها تعتمد على الفهم
حاولوا تعتمدوا على نفسكم ذاكروا القرامر الاساسي لأنه اسئلة القرامر كانت سهلة جدا وحالوا تقرأو كثيييييير المعاهد حلوة بس اغلب المعاهد تركز على القرامر وعشان تحفظوا كلمات لازم تعتمدوا على نفسكم وبالتوفيق للجميع ...