انا حشرح زي ماقالت الدكتورة لمياء وبشرحها حسيت انو مافي لخبطة ^^
الكمي المتصل زي المعدل الدراسي : يعني ممكن يكون 4 او اربعة ( نص ) والامثلة كتيرة وكلها نفس الشي تسمح انه يكون بعد العدد نص او ربع
الكمي المنفصل : زي عدد حوادث السيارات يعني مثلا عددها 5 مانقدر نقول 5 ونص سيارة
وعشان ماتتلخبط لما يجي مثال احسبها انتا لو جا (عدد اطفال الاسرة) الجواب حيكون كمي منفصل
لانه ماتقدر تقول عدده 3 ونص
القاعدة : المتصل: تاخد انصاص ، المنفصل: ماتاخد انصاص
_________
النسبة : للصفر معنى حقيقي
مثال: عدد اطفال الاسرة
لانه لو قلنا عددهم (صفر) حيسير مافي اطفال في الاسرة
الفترة : ليس للصفر معنى حقيقي
مثال:درجة الحرارة
لانه لو قلنا درجة الحرارة صفر دا مو معناه انو ابدا مافي حرارة
القاعدة :
النسبة: للصفر معنى حقيقي ، الفترة: ليس للصفر معنى حقيقي
_______
الاسمي : مثال: الجنس _ الجنسية
مانقدر نقول انه الذكر افضل من الانثى مافي مفاضلة بينهم او الجنسية مانقدر نقول السعودي افضل من المصري
التفضيلي ( الترتيبي ): مثال: دخل رب الاسرة
نقدر نفضل بينهم يعني اللي دخله مرتفع افضل من اللي دخله متوسط والمتوسط افضل من اللي دخله منخفض
القاعدة : الاسمي ما نقدر نفضل بينهم ، الترتيبي (التفضيلي ) نفدر نفضل بينهم
________
مانفع اشرح انا مرررا هع هع بس إن شاء الله تسهل عليك كدا من غير لخبطة .. داا لو فهمت يعني
