[R O Y A L]

المشاركة الأصلية كتبت بواسطة المحاسب القوي يعني انتي جاية تتكلمين عن الباقين !! طيب انا كنت فاشل درجة اولى بالثانوية ، والقدرات انصفني وعدل من نسبتي الموزونه والآن الحمدلله مختار التخصص اللي ابغاه ، ومعدلي كويس ومرتاحين .. ودرست تحضيري ودرست انجليزي وكلشي تعبت وعانيت واكلت تراب في مكتبة الجامعة عشان اتعلم ، والطلاب يتدلعون يبون احد يجي يقولهم تعال يابابا خذ الاسئلة مثل الثانويات الاهلية اللي طالع لنا منها هالجيل .. اجلس بالمكتبة بالساعات ماشوف الا ١٠ انفار ! بالله هذي مكتبة جامعة .. بالله عليك تسمين هذول طلاب .. انا اتمنى ان الجامعة تزيد بعد مقاعد الانتساب عشان المتردية والنطيحة والفاشلين المتذمرين يلقون لهم مقاعد فيها .. وتصعب الدراسة والقبول اكثر .. اتمنى اننا مانشوف طلاب عاهات مثل اللي نشوفهم ونقابلهم كل يوم

يامحاسب خذ مني نصيحة يمكن تحكيها مستقبلا لابنائك .انا لااعرفك .ولكن يااخي اسالك بالله هل انت عندما ترد تسمع لمايكل جاكسون ؟؟؟ احس انك متحمس ومتقمص دور الجد في الرد .انا وانا وانا ...الخ . تعبنا يااخي . ارحمنا يااخي .. اليس لديك مذاكرة؟؟ ام انك حفظت الكتاب عن ظهر قلب ؟ يااخي فك طلاب الجامعة .اعتقهم . اتركهم في همهم. يااخي مش ناقصتك المسالة .اذا اكلت تراب بمكتبة الجامعة مو شغل طلاب الجامعة .اذا فحطت بالثانوي وكنت مهمل وتحسن مو شغل الطلاب . اذا جلست بالساعات بالمكتبة مو ذنب طلاب الجامعة .بعدين ليه تجلس بالساعات ؟؟؟؟ انت هندسة واحنا ماندري ؟؟ ياخوي محاسبة .الله يهديك . كبرت المسالة .لاتتقمص دور الجد الذي ينصح وانا كنت وانا كنت ...الخ.واذا انت تسال وتقول بالله هذي مكتبة ؟ وش مجلسك فيها روح القهوة.وخذ نصيحة كان الله في عون العبد مادام العبد في عون اخيه . واخيرا لايؤمن احدكم حتى يحب لاخيه مايحب لنفسه .اسال الله الذي لااله الاهو رب العرش العظيم ان يوفق كل طالب وطالبه في جميع المراحل وان يسهل عليهم امتحاناتهم وان يبارك لهم بايامهم واعمارهم وان يجعل حياتهم سعيده امنه مطمئنه انه ولي ذلك والقادر عليه .