[MR.RA'ED]

نجيد التذمر والشكوى بشكل احترافي ..
ونرمي الملامات هنا وهناك ...
نظام ودكاترة .. الخ
وللأسف كلها تبريرات للفشل ..
لا أقل ولا أكثر ...
.............

انا كنت في الثانويه طالب عادي وتخرجت بنسبة 82 والقدرات والتحصيلي نازلة ..
ودخلت سنة تحضيرية تأهيلي .. يعني الدوام في الظهر الى الليل ومن دون مكافأة بعد .. كان التعب علينا بشكل ملموس واضح .. وماسلمنا من التعب النفسي ..
بس كنت اروح المكتبة وادور كتب بالعربي للشئ اللي ابيه .. مراجع مختلفة بالعربي واحاول اتعلم عشان الدكتور مايفهم ..
كنت خايف من الانجليزي .. بس كان القاموس مايفارقني اترجم كل كلمة تمر علي واحاو احفظ .. اتفلسف واتكلم مع نفسي انجليزي .. حتى لما اكون طفشان احمل لي فيلم مع النص الكامل تبعه بالانجليزي واجلس اتبع ..
وفي البريك كنت اشغل الام بي ثري .. واسمع اغاني اجنبيه واحاول اكتب الكلمات وافهم واتعلم ..
دورت ملخصات .. حضرت محاضرات غير محاضراتي للدكاترة اللي اسمع منهم انهم يفهموا ...
اشتريت كتب عن التفكير الايجابي والثقة والنظرات المشرقه .. بس عشان احمس نفسي واقاوم الوضع الصعب ..
سويت وسويت وسويت ..
ولا اشتكيت ولا تذمرت ..
والحمدلله انتظمت ويصرف لي مكافاة وفي كلية حلوة كثير من الطلاب يتمنوها ..

انا ماحكيت لكم سنتي التحضيريه من باب الاستعراض .. لكن من باب التوضيح انه ياليت الواحد يشتغل على نفسه ويبدا من الحين ..

.....