عشان الكل يستفيد
اول شي كان الاجتماع يوم الاثنين الساعه 10 صباحا
جتنا د. كريمة و أ.لينا الباز
عدد البنات اللي حضرو يمكن 13 اذا مو اقل .. من اصل 30 طالبة
:)
قعدو يتكلمون عن الكورسات والمناهج
اللي فهمته انو المواد الاجبارية ما تنزل كل ترم .. ولا تنزل مره وحده
على حسب الدكتورة الفاضية اللي تقدر تمسك المادة ..
عشان كذا قالت لنا اول ما يفتح الحذف والاضافه اذا لقيتو مادة اجبارية اضيفوها على طول
او اختارو المواد الاختيارية العامة بين الثلاث مسارات اللي هيا ..
1/ مسار جزيئية - وتشمل:
تقنية حيويه .. جزيئية .. مناعه
2/ مسار فيسيولوجية - وتشمل:
فيسيولوجي .. طبية .. فيزيائية
3/ مسار تطبيقيه- وتشمل:
ميكروبية .. تغذية .. منتجات
(( اذا قدرت انزل لكم الجدول اللي فيه المواد ))
طبعا اذا تخرجتي ان شاء الله ينكتب لك في الشهادة
ماستر في الكيمياء الحيوية (( فقط ))
يعني ما يكتبو تغذية ولا طبية ولا شي ... هذا الكلام بين القسم بس
وكمان قالت لنا نرسل ايميل لـ أ. منى بادحدح نكتب فيه اسمنا ورقمنا الجامعي
ونطلب تفتح لنا المواد الاجبارية الترم الاول من السنة الجديدة
وهذا ايميلها
mona.8m@gmail.com
ومررت ورقة كتبنا ايميلاتنا فيها ..
قالت د. كريمة حاولو كل يوم تشيكوو على ايميلكم .. لان تعاملنا معاكم راح يكون بالايميل ..
وتكلمو على الدعم المادي
يعني يدعمو رسالتك ويعطوكي مبلغ من المال ..
تكلمت عن مدينة الملك عبدالعزيز ممكن يعطوكي من 20 الف لـ 70 الف
وكمان دعم الجامعه ..
وكمان مساعد باحث
(( قالت ما عدها خلفية كبيرة عن الموضوع ))
بس قالت حاولو تخلصو اموركم من بدري
اول ما تخلصي 50 % من المواد قيدك مختارة المشرفـ/ة و مجهزة ملخص من رسالتك
هذا الكلام يحتاج من ترم لـ سنه تقريبا ..
وتكلمو عن المعاملات اللي تسويها
يعني مثلا ملخص بحثك لازم تجيبي له معاملات مختومه عشان يدخل مجلس القسم ويوافقو عليه
والمعاملات حاولو تسوها اول باول .. عشان ما يجي وقت التسليم وانتي مو مجهزة نفسك ..
بالنسبة لـ عدد سنوات الماستر تتراوح بين سنتين لـ 3 سنوات
انتي وجهدك طبعا ..
هذا اللي مفتكرتو ... واللي تفتكر شي تحطو هنا