مساء الخير.....
أخوي رماح لاتشيل هم الإختبار أكثر من اللازم.......أنا قبل لاأدخله كنت خايفه من كثر ماأسمع عنه ودخلت معهد ووصلت للمستوى الخامس.... لذلك كان الاختبار سهل
الاختبار كان إختيار من متعدد.. في البدايه تستمع لمحادثه وبعدين عندك أسئله عنها تجاوب عليها..الجزء الأول محادثات قصيره(جملتين أو ثلاث) والجزء الثاني محادثات متوسطه (تقريبا 8 جمل) وبعدين تجاوب على الاسئله..
الجزء الثالث عباره عن قواعد. يعني مثلا الجمله يكون فيها كلمه غلط سواء في التصريف(ماضي أو مضارع ) أو في الإملاء( يعني يكون ناقص حرف مثلا)
الجزء الرابع عباره عن قطع وعليها أسئله اختيارات يمكن 5 قطع أنا بصراحه مافهمت إلا قطعه وحده كانت تتكلم عن تكون السحب والامطار هذا اللي فهمته بس ماتركت شي وكنت أختار عشوائيا(اسوي زي يوم كنا بالثانوي أشوف الكلمه الموجوده بالسؤال وأدور عليها في القطعه ومشي حالك) والحمدلله نجحت
الشي الوحيد اللي يطفش هو الوقت كان ساعتين طبعا مايمديك تطول في التفكير ولا يمديك تترك السؤال لأخر شي على طول تقرا السؤال فهمته جاوب وإذا مافهمته بعد جاوب عليه ولاتتركه لأنه مافيه وقت عشان ترجعله
عموما إذا كنت فاهم في القاعدات وعندك بعض الكلمات حافظها إنشاالله راح تنجح
ولا تيأس حاول مره ومرتين
والله يوفقك