[لوفلي]

المشاركة الأصلية كتبت بواسطة مشاري الرياض الف الف مبرووك ..... ياليت تعطينا وش المعيقات اللي واجهتك اخووي علشان نستفيد منها ونتخطاها ... تمنياتي لك دوام الصحه والعافيه

الله يبارك بعمرك ..
وعقبالك يارب ..

بالنسبه للمعيقات ..

ماسميها معيقات بقدر ماهي شي بنفسك انت لازم تسويه ..

البناء بدون اساس قوي راح يتعبك مستقبلا ...

هالشي واجهته في دراستي بالكليه واللحين واجهته بالجامعه ..

اللي هي البدايه الدراسية .. ماخذين ان الجامعه سهله وطناش اول الترم وثانيه ..

وبالاخير يالله تلحق عمرك عشان ترفعه ..

الشي الثاني ...

من المعيقات بحكم اني اجي من الرياض اللي هو السكن ..

اصعب شي واللي بجد ياخذ من وقت المذاكرة الشي الكثير اللي هو من يسكن معك من الاشخاص ..

صدقني من ناحيتي ان زاد السكن عن 3 فانا اضيع من المذاكره ..

لاني اكون بغرفه والاخرين مثلا بالصاله وانواع الضحك اللي ياثر ويشوش عليك وبالاخير ضياع المعلومات ..


الشي الثالث ...

اللي متى تبدا المذاكره ..!!

ياجماعة والله قهر ..

شف كم ندفع بالترم الواحد ..

تقريبا الى 6000 ريال بالترم الواحد والغالبيه التقدير مقبول !!

شباب اعرفهم ماشاءالله تبارك الله يجي جده بس يراجع ..

ماشاءالله يخلصون المذاكرة قبل شهر من الاختبارات !!

لو فيه اهتمام بس على الاقل مقابل المبلغ اللي تخسره كان شفنا الغالبيه مبتعد عنهم الخوف ..

هذي نصايح لاخواني ..

الله يوفقكم وعقبالكم يارب