أهلين أختي..
بالنسبة للتخصصات الادارية والإنسانية، عندك كل تخصصات كلية الآداب والعلوم الإنسانية..
بالنسبة لكلية الاقتصاد والادارة، عندك قسم الأنظمة وقسم الادارة العامة وفي قسم العلوم السياسية بس للأولاد..
بقية التخصصات راحت للعلمي زي المحاسبة ونظم المعلومات الادارية وإدارة مستشفيات الاقتصاد وإدارة الأعمال بفروعها..
لكن الجامعة حطت حل للطلبة اللي درسوا تخصص إداري وإنساني ف التحضيري ويبغوا يروحو للتخصصات اللي انتقلت للعلمي، لأنهم لو ما عملوا كداا حيكون ظلم عليكم مررره، خصوصا إنوو القرار داا ما نزل إلا ف الفصل الدراسي التاني من السنة دي..
والحل اللي حطوه إنكم تختاروا مادة وحدة من القسم العلمي يا كيمياء يا فيزياء، وتكملي عادي في أي تخصص من التخصصات الادارية الباقية..
وعشان تتأكدي منوو أحسن.. روحي للعمادة عندكم وحيدوكي الخبر الأكيد..
أتمنى لك التوفيق يااارب؛؛