هههههههههههههههههه ذكرتيني يوم جيت اتوظف في الشركة القديمة اللي اشتغل فيها ... طبعا الكلام هذا والله العظيم صار وخصوصا الاختبار
قدمت على الوظيفة ونسيت موضوعها ...
وبعد شهر قاموا دقوا علي وقالوا تعالي بكرة عندك اختبار ومقابلة ...
اول سؤال سالته ايش نوع الوظيفة لاني قدمت على وظيفتين قالت المسؤولة انت بس تعالي واذا اجتزتي الاختبار يصير خير ...
طبعا من كلامها قلت يارب ياساتر ليش كذا والله شكلة اختبار بحد في التخصص وما يمديني اذاكر لان المكالمة كانت 4 العصر
قلت يابنت توكلي على الله وروحي والله يكتب اللي فيه النصيب
طبعا ماسبت شئ الا قريت عنه وعن الشئ الجديد اللي نزل فيه من شبكات لصيانة لاجهزة وانواع المعالجات كله قراءة سريعة ...
ويجي يوم المقابلة كل شئ تمام 3 نسخ من السيرة الذاتية نسخة من الشهادات في ملف واللبس تمام والعباية والنقاب تمام (لاني كنت حاسة انها موضوع اختلاط) وحبيت اكون صريحة وابين اني منقبه مو متلثمة المهم نوصل المكان قبل الوقت بـ 10 دقايق
المهم سجلت اسمي في الاستقبال ودخلوني غرفة اجتماعات ومر من الوقت 30 دقيقة والظاهر انهم نسوني لان محد جاء لا مسؤولين ولا مقدمين على وظيفة ... وننتظر يمر من الوقت 45 دقيقة قمت خرجت و رجعت للاستقبال وكلمتهم اني عندي موعد مع فلانة الفلانية بخصوص توظيف في تقنية الملعومات الساعة 2 والحين الساعة 2:45 المهم ماادري ايش صار غير جاء رجال فلبيني واعطاني اختبار من 8 صفحات
هههههههههههههههههههههههههههههههههههههههه ليومكم هذا اضحك على الاختبار ههههههههههههههههههه شفت الاسئلة وجلست كذا متنحة دقيقة استوعب وارجع اقرا من ثاني المهم قلت الظاهر الموضوع غلط رفعت راسي وسالت الرجال الفلبيني اني انا مقدمة على وظيفتين كلها فمجال تقنية المعلومات وحدة محللة نظم والثانية دعم فني !!! والاسئلة الظاهر ليس لها علاقة بولا وظيفة من الثنتين ...
قال لا هذة اسئلة عامة نبغى نشوف كيف تحلين !!
طبعا ام العرق طق عندي والقهر اكلني لكن ركبت حماري وقلت اللي ضيع وقتي والله اضيع وقته ... المهم شوفوا معي الوضع
الورقة الاولى كانت فراغات ...
الورق الباقي صور وعلقي عليها ...
نجي نشوف في املائي الفراغ طبعا بالانجليزي ... اللي افتكره من الاسئلة لان الموضوع له 3 سنوات
لو كان شب حريق في المبنأ وانت في الدور السابع ايش تسوين وفراغ !!!
تشوفون وجهي !!!
قلت له احتمال واحد من ثلاثة
1- ازيد الحريق واوسع المنطقة وهذا اللي اكيد
2- اروح اتصل على صديقي اللي فبورا بورا و اسولف معه واعرف اخباره لحد ما تنحل المشكلة او اموووت في الحريق
3- اروح اقفل الابواب حتى لا امووووت لوحد ويموتوا كل الناس اللي في المبنى معي
لكي اكون صادقة معكم جميع الحلول السابقة جيدة واحتمال 200 % اسويها كلها
السوال اللي بعده
لو حصل خلاف لعميلين (زبائن) يبغون يقابلون المدير ايش تسوين وفراغ كبير ؟؟؟ كل الفراغات كبيرة يعني كانها مقاليه الاسئلة
ولا شي اجيب مسدسين وامشي كل واحد على اتجاة معاكس للثاني واخليه يطلق على الثاني اللي يعيش يدخل للمدير
في سؤال لو حصل لو شفتي احد يسرق اموال الشركة ايش تسوين وفراغ
قلت له لا هنا يفرق لو سرق مبلغ صغير حاخذ المبلغ منه كله وابلغ عليه واذا المبلغ كبير اخذ 99% منه واعطيه 1% و ابلغ عليه ولازم في كل المحاولتين اخذ مكافئة
انتقلت للصفحات الباقية كلها صور كركاتيرية وعلقي عليها
الصورة من الصور
ناس في حفلة واقفين وجالسين المهم الظاهر الدنيا فلة في الحفلة وازعاج المهم اللي لفت نظري في الكاريكاتير واحد قاعد على كنبة كبيرة وفوقة اثنين تكلمون بانفعال المهم واحد من اللي واقفين كب القهوة على اللي جالس على الكنبة !!!
وحده جالسة لابسة باروكة غريبة واحد فوقها يدس شئ كانه سندوتش صغير فيها
علقي ...................
تعليقي كان اكيد هذا اللي جالس مدير شركة وكتب اسم الشركة اخذت اسمها من البروشور اللي جمبي في الطاولة والموظف صاحب القهوة هو المدير التنفيذي واللي يسولف معه المدير المالي والنقاش كان المدير التنفيذي يبغى علاوة وصاحب الشركة رافض يعطيه اياها وقاعد يتناقش الموضوع بانفعال مع المدير المالي
والحرمة صاحبة البرستيجا هي متعهدت الاكل وصاحبة السندوتشات المسمومة و زوجها هو اللي يحط السندوتش في راسها
صورة من الصور ... كان ناس كذا كانهم صيادين وفي سوق سمك و في ركن الصورة مضاربة بين بياع و مشتري اظن على حبارة بينهم وفي الركن اللي فوق واحد يسرق سمك من البياع وهو غافل !!!!
المهم قلت هذة المدير التنفيذي ومعاه المدير المالي يتفاصلون على الحبارة لانهم الاثنين انفصلوا من العمل و قلت شايف اللي يسرق هذا هو اللي حتقاسم معه المبلغ حق السمك واعلم عليه المدير التنفيذي
وصورة بعدها ناس واقفين طابور ينتظرون طلوع السفينة وكل محمل اغراضة من صناديق دجاج وطيور وبيض وحيوانات و عفش كثير وناس شايلة بزارينها وواحد مشغول بالجوال ...
قلت له هذة موظفين الشركة مساكين قاعدين يرحلونهم وشفت صاحب البيض هذا زوج متعهدت الاكل و مدير تنقنية المعلومات جالس يرسل سيرته الذاتية عن طريق الجوال لطلب عمل في الخليج !!!!
المهم انا بدات تقريبا على الساعة 3 انتهيت الساعة 3:20 واقوم اسلم الورقة واخرج و امسك الباب قال لي وقفي لك مقابلة مع مدير تقنية المعلومات قلت بعد هذا الاختبار في مقابلة طيب انتم صححوا واذا اجتزت كلموني ... رجع الفلبيني قال لي تفضلي اجلسي ودحين حنبدا المقابلة ...
المهم جلست لسبب واحد اني اهزوه من قلب وقعدت ادعي من قلب يكون مدير تقنية المعلومات و المدير التنفيذي والمالي موجود من جد حقت حقداليهود
شوي يدخل الفلبيني ويترك الباب مردود ويجلس على الطاولة قدامي و يعرف عن نفسه انه مستر .ار وانه هو مدير تقنية المعلومات وفرد الاختبار قدامي وجلس يقرأ ويناقشني في كل سؤال ويضحك وبعدين سالني عن السيرة الذاتية وعلق اني انجليزيتي حلو يعني وبعدين قال لي انه يبغى يعطيني الوظيفتين ولي مطلق الحريه في الاختيار واحد منهم المهم بعد النقاش وخلاص اتفقنا ... قلت له عندي سؤال من باب الفضول اللي لازم اعرف اجابته قال تفضلي قلت له مين حط الاسئلة وليش قال انا وليش لاني ابغى اشوف اذا تقدرين تنضمين وتدخلين بسرعة في القسم لاني تعبت اضيف بنات سعوديات لقسم تقنية المعلومات و ان البنات السعوديات مايدخلوا بسرعة و اضطر لو عدى 3 شهور يتركون العمل بسبب عدم قدرتهم على التكيف مع الوضع ...
الخلاصة :... لا تتفاجأة زي وتحقدون حقد ماله داعي زي لاني جلست معاهم فترة قريب السنين وشوي وكانت تجربة حلوة و فعلا الاختبار كان في مكانة بس ندمت على الاجابات والحقد على المدير التنفيذي والمالي لانه طلع شخص واحد وانسان بمعنى الكلمة والله يوفقه