[بنت جدة المنكوبة]

في حركة سوتها العمادة لصحبتي لللأسف
تخيلوا وقت تقديم الأوراق ضيعوا ملفها
لما جاء وقت إختبار القبول(طبعا هي البنت من قسم ملابس بس مقدمة على فنون)ماطلع اسمها مكتوب ضمن الي يختبروا
فمرا زعلت وقعدت تبكي
وأبوها راح سأل في الجامعة(أبوها مدرس في الجامعة)طلعوا إنو أوراق البنت ضيعوها....
راحت العمادة أرسلت خطاب لوكيلة الكلية حقتنا على أساس ياسولها مقابلة أو إعادة إختبار...في باديء الأمر قالولها ماينفع راح القبول عليك...بعد فترة دقوا عليها قلولها تعالي اختبري...
وفعلا راحت واختبرت حتى الي كانت مراقبة عليها أستاذة من الفنون قالتلها ماشا الله رسمك مرا رائع وقالتلي صحبتي إنو حلت مزبوط لأن الأسئلة جات من الي زاكرتوا عن مدارس الفن ورسمها ماشا الله معروفة مرا روعة...
المهم قالولها خلاص نردلك خبر بقبولك أم لا...........قعدت صحبتي أكتر من ثلاث أسابيع تدق عليهم جلسوا يتماطلوا معاها ويتنفخوا عليها.........وحتى أبوها جلس يدق عليهم مايردوا على الجوال.....
المهم إنو بعد فترة كمان صحبتي دقت وقالولها أرسليلنا أوراق (وكرروا الحركة 4مرات)يعني ضيعولها أوراقها 4مرات
وبعدين آخر شي أرسلتلهم الأوراق بالفاكس...وبعد يومين دقت عليهم قالولها إنت ماانقبلتي علشان مازبطتي في إمتحان القبول....وهي متأكدة إنو جاوبت تمام ..........بس إيش نقول إلا حسبنا الله ونعيم الوكيل