[S2_MiRa_S2]

موضوع من جد مهمممممممممممممممممممممم
والواحد لازممممم يجهز نفسة اولااا نفسيا اهم نقطة
من خلال خبرتي انا اختبرت يوم الثلاثاء ومدري كنت في قاعة كم بس والله عانيت معاناة مووطبيعية وفي مواقف صارتلي بس اتعدت الحمدلله ههههههههه والله انا تحفففففة بقوة ما ادري امكن وحدة منكم كانت معايا في القاعة ما ادري بس حقلكم ايش سارلي امكن كنتوا معايا لول قبل ما ابدا ابغى انصحكم من الالف الى الياء


اولا: جهز نفسك نفسيا وبدنيا وعقليا!! بنقصان هذي الثلاثة لن تنجح في الاختبار!الا اذا طبعا ربي كاتبلة النجاح فهذي حالة خاصة

ثانيا: قبل موعد الاختبار باسبوع على الاقل قم بمزاكرة القواعد الاساسية اولا وافهمها!! وبعدها تصفح على الانترنت وعلى الكتب ولجرايد الانجليزية وخلي النت جنبك فاتح المترجم و واذا لم يتوفر النت قم بفتح قاموس اطلس او اذا لم يتوفر افتح كتاب القاموس واذا لم يتوفر قم بالاتصال بصديق وحاول قراءة القطعه او اي شئ على النت حاول تتنوع في المواضيع يعني تفتح عن الرياضة والتكنولوجيا والتاريخ والطب والعالم ايش بيصير لها واي كلمه ماتفهمها على طول على الترجمه حاول انو يكون هذا الشئ كل يوم معليش حتطفش بس شد حيلك كل دا التعب والله ماحيضييععع ابدا وبعدين برضه ادخل اليوتيوب في فيديوهات لتعليم الانجلش وبرضوا حيسهل عليك واتفرج اخبار ومقاطع وافلام ومسلسلات كله بالانجلش هذا ايش فايدته؟ انا اقولكم كل ما تسمعوا كثير كل ما تفهموا اكثر حتى لو مافهمتوا بس تقريبا المعنى حيوصلكم ودايما يصيرلنا في الافلام والمسلسلات صح؟ هذا كلة كويس لاختبار السماعي ليش انا اقولكم ليش شوية المهم هذا النقطة الثانيه.

ثالثا:كل يوم بعد المداكرة والطريقة اللي قولتلكم عليها ادخلوا على مواقع اختبار التوفل التجريبية في مواقع كثييييرة ببلاش طبعا هذا يكون بعد المذاكرة وقبل ماتنام يوميا لماذا؟ حتتى تتدرب على صيغة الاسئلة والتوقيييييتت ! بس ماعليك تقدر تعيد الاختبار مليون مرة حتى لوو خلص الوقت فلا تشيلوا هم وبرضوا لمن تطلع نتيجتك لا تقفل وخلاص شوف فين الاغلاط عشين تعرف في غلطك وتصحيحها وزي ماقلتلك المترجم او الترجمه لازم على طول قدامك من اول ماتفتح الكمبيوتر

رابعا:يوم الاختبار جهزو نفسكم مزبوط قبلها تكونوا نايمين مزبوط و صحتكم وماكلين وشاربين مزبوط ومجهزين عقلكم وحالكم مزبوط تجيبوا بطاقة الاحوالللللل مهمممه وتحفظوا رقمكم الاشتراك
واهمممممممم شئ لانكم حتدخلو الى غرف الثلج نعم وكأنكم داخلين على الاسكيمو جهزوا جاكيتاااااات(انا اتفرزنت ومخي اتفرزن الله يهديهم بس فما حليت مزبوط) وبعدين تكونو هناك قبل الموعد بساعة على الاقل!!!وابدا ادعوا ربي يسهللكم الختبار واستغفرا وجهزوا نفسكم ولااااااا واقولكم كمانه لاااااا تخافوا وتربكوا نفسكم لانه مايستحق حتضيعوا المعلومات بعدينه وإن شاء الله بالطريقة اللي قولتلكم عليها باذن الله حتعدو درجة النجاح لانه انا اقولكم الاختبار ماهو زي ماجاكم في المدرسة حيجي اسئلة متعدده وكلمات غير معتاد سماعها واشياء يعني يقيس مددى علمك وفهمك للانجلشش يعني انتي كيف معلوماتك في الانجلش؟تفهمي الكلمات؟تعرفي ايش مكتوب؟تعرفي المحادثة ايش كانت بتتكلم؟ وهكذا!

خامسا: حيبدا الاختبار واتبع التعليمات اللي حيقولولكم هيا وتوكل على الله وابدا بسم الله ولاتضيع وقتك في التفكير في الاجابة يعني لكل سؤال وقت محدد للاجابة اول شئ الاستماع صراحة يجب عليك التركيييز ثم التركييز بقوه لانه صراحة انا اختبرت في البداية كان واضح بس الصوت مرره عالي يعني شوية والسماعات بتنفجر بس ماانفجرت ولكن شوشت تسمع صوت تشويش وهذا اللي قهرني مافهمت ايش كانوا بيهرجوا بس ما ادري عن البقية مع اني كنت اول الصف في احد زي يشتكي من الاستماع؟؟ ماكان واضح صح؟ هذا بالنسبة لليسينينق وبعدين الاجزاء اللي بعدها كلها قطع منها قصيرة ومنها طويله وكل قطعه فيله عدة اسئلة متنوعه (يعني يجي سؤال ويقولك ايش معنى كلمة handsome او يجي بمعنى تاني زي كلمت handsome في الجزء الاول من القطعة المعنى الاقرب لها؟ ويجيكي 4 خيارات وتختاري وحده بسسسس مافي خيارين ابدا في الاختبار هذا الا اذا طلب السؤال منك المهم ويجيكي قواعد ويجيكي ترتيب الجمله بالترتيب الصحيح ويعني اشياء تافهة زي كاننا بنلعب وفي اشياء يبالها فهم بس عشين لاتضيعو لوقت حاولو تقراو قراية سرييعة وبفهم على الاقل عشين لمن يجي سؤال تعرف السؤال دا فينه في القطعه لانه مو كل الاسئلة حيعطيك مكان الجواب وحاول تدي كل وسؤال وقته ولا تطولوا اذا حتطولوا روحو للسؤال اللي بعدة وانتبة للوقت على الشاشة عشين ترجع للسؤال اللي ماحليته.

وبس هذا صيغ الاسئله وانا دخلت الاختبار فكان مستواة متوسط لا صعب مررة ولا سهل يعني في النص الحمدلله

تعبت مافيا اكتب ايش صرلي خلاص المرة الجاية
اتمنى انكم استفدتوا اه والله تعبت لوووول