.
إذا أي أحد يعرف طلاب أو طالبات مُقبِلين / مُقبِلات على التحضيري ,
يا ريت ينصحوهم ما يجيبوا ولا كتاب إلا إذا طلبه الدكتور .. طبيعي في أول محاضرة تشوفوا الدكتور يكتب لكم اسماء المراجع حقت المادة ,
بس دا مو معناها إنها مطلوبة منكم فيه كتيرين حسبوا إن معنى دا لازم يشتروها وجابوها عالفاضي , هو يمكن بس كتاب الإحصاء أكتر شي راح يُستخدم وكتاب الرياضيات شوية عشان الأسئلة ..
وحتى الكتابين دول لا تشتروهم من مكاتب زي جرير لأنهم حرامية بكل معنى الكلمة 
في بداية التحضيري رحت أسأل عن كتاب الفيزياء عندهم طلع بـ 245 ريال ! بعدها رحت دار حافظ ولقيته بـ 145 !! وأظن في مكتبة الشقري شباب أشتروه بـ 135 !!!
وإلى الآن عندي كتاب الفيزياء ما استخدمته أبدًا والله جديد ما فيه ولا شخطة وورطان مني عارف أبيعه ولا إش أسوي بيه ؟!
والله المستعان
.
|
اممممممممممم هو على حسب الدكتور اذا يعطيك كل شيء بشكل وافي مايحتاج للكتاب
لكن صراحه انا استعملت الكتب وكانت في حاجات ماتقول عنها الدكتوره وتجينا في الإختبار
وغير كدا أسألة الامثله .. وحتى الكيمياء كانت تأشر لنا الحاجات المهمه من الكتاب
واللهي صراحه كل المواد احتجت انا كتبها واستعملتها هيا الأحياء فقط اللي ولا طالعت
فيه وهم الانانيه حقهم عارفين اننا مانبغى الكتاب ونبغى بس الورقه اللي فيها الرابط
حق التسجيل عشان التست بنك راحوا حطوها جوت الكتاب عشان وغصبن عنك تشتري
الكتاب ..
كتابك الفيزيكس بيعه بس انتظر مو دحين لأنو الأغلبيه حيقولك طيب ممكن تتغير الكتب
لكن حطوا على بداية الدراسه أنا عن نفسي أبغى أبيع الملخصات ..
ومكتبة جرير معروفه بالنهب انا كل حاجاتي من المكاتب اللي قبال مباني الهندسه ..