بسم الله الرحمن الرحيم
أعجبتني هذه القصيدة للشاعر / محمد بن فطيس المري ،، و حبيت أنها تكون بينكم ،،
أترككم معها ،،
|
|
|
|
سـولـفــوا ، تكفـون لا عاد تسكتون ..... قـبـل لا أهـوجـس و ياتـيـني بلاي
السكـات يــزود طـعـونـي طـعــون ..... وتنكسر لا جا على راسي عصاي
سولـفـوا لـو ما بـغـيـتوا تسـولفـون ..... قبل لا اقعد في الحزن رايح وجاي
وأضحكـوا لو بالعـماله تضحكـون ..... و جـامـلـونـي لو يضـايـقـكم حكاي
لي ولـيـفٍ راح جـعـلـه ما يـهــون ..... هـو دواي و داي ، أو داي و دواي
راح لكن طـيف زوله فـي العيـون ..... مـــــرةٍ قـــدامـــي و مـــــرة وراي
وإن سكتوا جاء وهو طيفـه يمون ..... رحـت أهوجـس له و أبين له ولاي
مكسب عـيوني من الفرقى مزون ..... تمطــر لطاريــه و البرق أصدقاي
كـّـل ما طـروه لـو هُـم يمـزحـون ..... احرموني من غـداي و من عشـاي
أدري إنــه ما تـنـاسى الـود كـون ..... تسمع إذنــه في قـفـاي اللسن عداي
و كانهم قالوا : نسيته ، يكذبـون ..... وإلا أنـا فـيـه أمتـلك نـظــرة وراي
كان حبه لي على خبري مصون ..... والله ان كـنــي بـقــدري و بـ غلاي
ذي بقـايا الحُـب وأطلال الجنون ..... والله أعـلـم في ضـميــره وش بقاي
غيــر طيعوني ولا عاد تسكتون ..... والا والله ،، إن أسـمـعـكــم بـكـــاي |
|
|
|
|
تحيتي لكم ،،