رد: انقبلت في طب الاسنان ..اريد الاجابه على اسئلتي
أول شي .. مبرووووووك للأسنانين والأسنانيات الجدد الله يوفقكم يارب
يالله سبحــان الله كيف الأيام مشيــت أفتكر نفسي أول ما أنقبلت أسنان السنة الي فاتت كيف كنت خايفة وضايعة وأحس اني أبغى أعرف كل شي عن الكلية في يوم ..
بــس بعد ما رحنا أول يوم الجامعة من جد حسيــنا احساس مرة حلو وتحمدي ربنا ليل ونهار على انك دخلتي دا المكان الي أي أحد يتمناه الكــل هناك يتعاملك على انك دكتورة خلاص وحتى وكيلة الكلية دكتورة سلمى با حنان يا ناس عليها عملت اجتماع معانا وقعدت تكلمنا وتفهمنا يعني عشنا جو من أول يوم وبنات سنة تالت الله يسعدهم دخلولنا وعملولنا يوم أرشادي وقالولنا كل شي عن سنة تانية عشان نبدأ السنة على بينة ونكون عارفين كل شي ..
وان شاء الله لمن تبدأ الدراسة اكيد حنعملكم يوم ارشادي ونجاوبكم على كل شي مخوفكم =)
|