� ﬗ▁▂▃▅▆▇★☀二【«الميزانيه الشهريه للبيت بين التدبير والإسراف »】二☀★▇▆▅▃▂▁ﬗ
أخواتي حبيباتي كل عام وانتم بخير وسلامه 
اليوم حبيت أطرح موضوع مهم لكل بيت ولكل ربة بيت تهتم ببيتها
انا بتكلم عن تجربتي احيانا تزبط واحيانا لا بس الأغلب تزبط ميه ميه ويبقى كمان من المصروف
انا طالبه /والدخل واحد +تجاره حره /وأغلب الراتب ديييييييييييييون الله المستعان
عدد افراد عائلتي /5 الله يحفظنا
طبعا المصروف لايتعدى 2000 ريال هذا للبيت فقط( إشتراك ماء +بامبرز+تموين للأساسيات )
أوزع الباقي كمصروف اسبوعي كل أسبوع 300 ريال x اربع اسابيع
ويبقى كم فلس  نطلع فيه مطعم أو نطلب للبيت أو نسوي كشته بس بالصيف لو ينتفوني وارفس الفلوس رفس ماطلعت من الحر والرطووووووووووووبه
المهم لو جانا ضيوف طبعا حسب المتوفر نحكم احيانا نكتفي من المصروف واحيانا يسوي زوجي دعم للميزانيه  مايقصر فديته
اما مصاريف اللبس والكهرباء وغيره مو داخل بهذا المبلغ ابدا ولامجال للنقاش في ذالك
انا آلاحظ كثير من الحريم يصرفوا يمنةً ويسره من دون حساب وهذا خطأ كبير وفادح
يتعب الزوج من كثر المصاريف وهيا تاخذ ذنب لأن هذا إسراف وبقوووووووووووووووه
مثلا نحن على أبواب شهر رمضان أعاده الله علينا باليمن والمسرات والناس هادين البيوت ومنتشرين بالشوارع الله المستعان كأنهم طول السنه جوعانين وماحيلتهم اللضيوجا لهم واحد قال اطلعوا ترا التموينات ببلاااااااااااااااااااش فقاموا يناقزون من سوبر لسوبر
طبعا حنا مانقول لاتشترون بس والله أغلبه بالزبايل الله يعزكم ويعز نعمته
بقترح على كل ست بيت تتقتصد بكل شي مو تحرم نفسها وعيالها لاضرر ولاضرار
وتوضع ميزانيه زي حالتي  وتشوف كيف بتكون مرتاحه وزوجها مرتاح ومرتب وضعه
طبعا كل وحده تقدر عدد افراد اسرتها وتشوف كم موجود عندها من مصرف وتناسق وتجمع بين الطرفين
واللي تبي مساعده انا هنا أساعدها بعيوني 
بس لاتسرفوا وخصوصا بهذا الشهر واللي تبي تنحف تعتبر هذا الشهر فرصه للدايت مو للنفخ
اتمنى ماتزعلوا مني وتتقبلوا موضوعي بصدر رحب
وكل عام وانتم بخير
ميسووووووووو
التعديل الأخير تم بواسطة my-nana ; 08-08-2010 الساعة 08:23 PM.
|