رد: ياليت احد يفيدنا عن كيفية التقديم للاعفاء وماهي الشروط ؟
اهلين اخوي بتال
انا عن نفسي حاصل على منحه يعني اعفاء ولله الحمد
طبعاً انا بفهمك الاجراءات اللي صارت معي بالحرف الواحد لكن لو اختلف شي عن كلامي فلا تلومني انا حصلت عليها من قبل سنه
اولا قبل لا تفكر او تبدأ بأي شي لابد يكون معدلك 2.75 فما فوق ولو نزل عن هالمعدل راح تلغى المنحة يعني راح ترجع تسدد من جديد .
ثاني خطوة ياغالي تتقدم بالطلب عن طريق موقع عمادة خدمة المجتمع والتعليم المستمر وراح تلقاها واضحه بالموقع او الصفحة الموضحه , وتأكد ان بياناتك وادخالك للطلب تكون صحيحة لأنهم راح يطلبون منك صور للأوراق اللي تثبت صحة حالتك المادية سواء من اعالة اسره او عقد ايجار او اقساط للبنك او غيرها من الالتزامات الماليه مع اصول الأوراق
ملاحظة : انا لما تقدمت في بداية الأمر طلع لي بالجدول او الاستمارة لخاصة بالطلب ((لا تنطبق عليك الشروط)) ولكن تفاجأة بعد شهر ونص تقريبا الا وهم مرسلين لي رسالة على جوالي يطلبون مني الحضور وإحضار صور الأوراق مع الاصول للمطابقة وبالفعل رحت لهم وسلمتهم الأوراق المطلوبة وللمعلومية هم بيرسلون لك الرسالة في حالة قبول طلبك على رقم الجوال اللي مسجل في البداية اول ماسجلت لأنه في الطلب بيطلبون منك ادخال رقم جوال فأحرص ان جوالك اللي مسجل في بياناتك على الاوديس شغال وموجود معك بأستمرار
بعد المشوار الطويل ذا كله انا عن نفسي وأثنا فترة تسديد الرسوم للفصل الأول العام الماضي أنتظرت لأخر يوم من فترة السداد لأني كنت اشيك كل يوم ولا القى نتيجة هذا طبعا بعد ماسلمتهم الأوراق وفي آخر يوم زي ماقلت لك لقيت جدولي نزل وعرفت وقتها اني حصلت على المنحه ...
تقبل تحياتي وأعذرني على الأطاله وانا مستعد للإجابة عن اي استفسار تحتاج له عن طريق الرسائل الخاصة
|