[سوسا]

بسمــ الله الرحمنــ الرحيــم ,,,


بدأ يوم 18 بكل شوق و حماأأأس ...

طبعــا مو فاهمين ليشــ اليوم دا موهيييم قد كدا

انا صحيت من النوم بدا الفيس

شويه كدا جا سيدي ((ابو ماما)) و خاليـ

شويتين كدا ما نسمع غير صوت من الشارعـــ

تيت تيت تت تيـــــت ؟؟!!

ايشـــ فيــــ ؟؟؟؟

العريس وصل

ايون ايون

عريـــسيــ وصل

و طبعا زي القرود طيران على الشباك <<<<على اساســ اننا ما شفنا العريســ يعني الا حفظنا خلاص بس لقافة حريمـــ

الموهيم

دخلو الرجال وفجاه ما الاقي الا اخويا يقلي البسي عبايتك و تعالي ؟؟؟!!!!

قلت مرا ما تبغوني لدي الدرجه ؟؟

لبست اغلى عبايه عندي

و نزلت بدا المنظر


الا الاقي المأزون شايل دفترو يا كبرو و يقلي راضيه تتزوجي من احمد انا وجهي

و قلت بكل حياء و ادب و خدود محمرا ايوا <<<وه ياناسو عليا

قلي عنك شروط طبعا السلك فاصل قلت لا

قال راضيه بمهرك ولا تبغى اكتر قلت راضيه ما انتبهة كم اصلا

و بعدها اداني الدفتر المصون كتبت اسمي وه ياناسو عليه و وقعت لا تخافو توقيعي حلو


و حبتين الا و طلع اخويا يسلم عليا و يقلي مبروك انا دا فيسي هوا احساس في النص بين دول

و سلمت على ماما و اختي و انا اعااااايط <<<ابكي يعني بس مدري ليش؟؟؟؟


و كدا تم عقد قراني و الحمد الله

و الله يتمم عليا الافراح



لولولوولولولوولولولولوولــــــي

عقبال اللي يبغى

الخلاصه :

اقري علشان تعرفي ايش مستنيكي و ما تسيري زي الاطرش في الزفه...


تحيات حرم المهندس/ احمد ...