[JuStice]

المشاركة الأصلية كتبت بواسطة سكووت معاكـ فالرأي ..المشكلة في المجتمع هنا اغلب الشعب عايش دور المثالية ومثالية مزيفة للاسف ومجتمع يدفن راسو بالتراب ..المشاكل من واقع واقع واقع واعماق البلد بس هم مايحبون الحق تحياتي ..

.

لا عايشين مثالية ولا حاجة ,

لكن .. ما باليد حيلة .. إيش بـ يدنا نعمل ؟ ما نقدر إلا إن كل واحد مننا يبدأ ويغير من نفسه وهذا أقل شي ..

عارفين إن البلد مليانة بلاوي وفضايح زي أي بلد تانية والكل عارف لكن ساكت لأن مو بيده يعمل شي .. والمسئولين عارفين أكتر مننا ,

فـ إيش الفايدة من نشر الفضايح ؟ وديننا ومجتمعنا قائم على الستر بالأصل , المشكلة الحقيقية إن البعض عايش دور المنقذ والمخلّص اللي يبغا يخرج الشعب ويطلعه يشوف النور ,

وعلى باله إنه له تفكير غير عن باقي الناس اللي ما يفهموا وإنه الوحيد اللي شايف اللي غيره مو شايفه ! وما يدري هالمسكين إنه من أوائل المضحوك عليهم ,

يعني بـ نشر قضايا المجتمع - المعروفة مسبقًا من الكل - بالقنوات والمسلسلات بـ هالطريقة السيئة راح تنحل المشكلة وتوصل للمسئولين ؟ واللي همّا أصلاً عارفين كل شي لكن عاجبهم الوضع زي ما هوا ,

وإلى الآن هالمسلسلات الهابطة واللي بيوقف البعض وراها يدافع عنها ويطبل لها ما جات بأي فائدة تُذكر ,

الحمدلله .. والله المستعان ونسأله السلامة والعافية ..

.