السلام عليكم ورحمة الله
كيفكم وكيف رمضان :)
كل عام وانتم بخير والله يعيدو علينا بصحه وسلامه ويعيينا على صيام الشهر وقيامه.
ابى استشيركم يا طلاب وطالبات الحاسب في قضية صحبتي
هيا حاسب و تخصص تقنية معلومات
رايحه للمستوى الخامس ماشالله
بس تبى تحول تغذية في جامعة ام القرى >> بما انو مافي تحويل للصحية :(
هل تشجعوا تحويلها ولا تفضلوا انها تقعد في الحاسب؟؟ !!
*مع العلم انها مو مرا تحب الحاسب
ومرا تعبت في السنه الي درست فيها الحاسب !
وهادي كلمات منها :
انا مااحب الحاسب كتير
*وجو التدريس ماساعدني اني احبو
*جبلي حاله نفسيه بحته ><
وهيا تحب الاحياء ومالها في الكمبيوتر
هل تكمل في الحاسب عشان مستقبلو حلو وشهادتو حلوه مع العلم انو التغذيه مالو مستقبل زاهر زي الحاسب ؟!
يعني هل تتعب و تكرف في الحاسب وتستحملو عشان مستقبلو ولا راحتها ودراسة تميل ليها احسن !!!!
ابى نصيحتكم لانو من جد الموضوع محيررررررررها !!!!
|
وعليكم السلام و رحمة الله و بركاته
يعني ليه سكتت الين وصلت المستوي الخامس ما شاء الله؟؟؟
اذا هي متاكده انها تحب الحفظ الكتيررررررررررررررررر
و ابدا ما تطفش منه و انها مره ما تقدر تكمل
افضلها تحول
لكن اذا هي ما تحب الحفظ الكتيررررررر خليها في الحاسب احسن
و يكون افضل لو تصلي استخاره
بالتوفيق اختي
ان شاء ربنا يوفقها الي ما فيه خير لها