رد: can you help me??
مبرووووووووووووك القبول وطبعا الأخ صاحب السمو الجامعي ماقصر وأجابك ع أسئلتك وأنا حأفيدك عن السنه التحضيريه
1- المواد :-
الثقافه الإسلاميه : ماده حلوه وسهله بس يبغالها مذاكره دقيقه في الإختبارات الدوريه لأن الأسئلة تجيك شويه ملعوب فيها ويبغالها كمان مذاكره أول بأول عشانها ماده شويه دسمه بس طبعا أنا كنت أذاكر وقت الإختبارات فقط o_0
اللغه العربيه : أما هاذي الماده أنا قلت إني راسبه فيها راسبه بس الحمد لله أدوني فيها بونس ونجحت بس ترى دروسها تقريبا سهله وبرضو نفس الثقافه يبغالها مذاكره ودورياتها ملعوب فيها.
الرياضيات : مافيه شي يعني يمشي حالو سهل ممتنع بس أعتقد إنو أسهل من الإحصاء إلي حتاخذي في الترم الثاني بس يبغالو من جد مذاكره أول بأول لأن الرسوب فيه كان جدا كبير .
حاسب آلي : مرررررررررررره حلو وسهل في المذاكره بس وقت الإختبار الله لا يوريك من أسئله ومن ذحين أقولك الباب الأخير في الحاسب مررررررررررررررررررررررررررررررره دسم وفيه معلومات كثيره بس ماجابو منو كثير في النهائي .
اللغه الإنجليزيه : هاذي الماده سهولتها وصعوبتها ع حسب الأستاذه إذا كانت الأستاذه جيده الماده حتكون سهله أما إذا العكس فالله يعينك .
ملاحظه:-1- الإختبارات مو الأستاذات يحطوها يعني مالهم شغل فيها هما يشرحوا وبس , في لجنه من كل قسم هيا تحط الأسئله .
2- تصحيح الإختبارات , مو الأستاذات يصححوا التصحيح يتم عن طريق الكمبيوتر .
3- الإختبارات حتكون صح وخطأ + اختاري والإختاري حيكون دوائر وتظللي الإجابه الصح وحتشوفي هذا الشي في اختبار تحديد المستوى .
4- بعض الأحيان تكون في أخطاء في الدرجات يعني إذا كنت شاكه في درجه من الدرجات ممكن تراجعي أستاذة الماده.
5- إذا أتأخرتي 5 د عن المحاضره تنحسبي تأخير وإذا أتأخرتي 10 د تنحسبي غياب بس طبعا ع حسب الأستاذات بعضهم متساهلات وبعضهم لأ.
6- مو لازم تحفظي كل كلمه في الكتاب أهم شي تفهمي لأن الإختبار محا يكون كتابه .
7- الإختبارات النهائيه تجيك مووووووووووووووووووووووووووووووووووووووووووووووووو ووووويه مرررررررررررررررررره سهله ولله الحمد أسهل من الدوريات بمليووووووووووووووون مرررررررررره طبعا هذا بالنسبه ليا .
وبس لمن ينزل جدولك نزليه عشان نشرحوا لك وبالتوفيق^_^
|