رد: إستفسآر حول عدد سآعآت ie204 & ie 203 ..ًُِْ
ie203,204 انجلش وكانت كل وحده فيهم عليها ساعه بس الدوام مو طبيعي وعليه ساعات كتيره
يبغالك تشد حيلك فيها مضبوط وما تستهون
في 203 حيطلبو منك بورتفوليو تجمع فيه الاوراق والشروح في الحصه وياخدوه منك اخر الترم وبريزينتاشن واختبار في نص الترم واخر الترم عندك اختبارات القرامار والريدينق والرايتينق
اما 204 حيكون من بدايته لين نهايته عن بحث يمشو معاك فيه خطوه خطوه لين ما تخلصه واخر السنه حيكون عندك تسليم بحثك و البورتفوليو وبريزينتيشن عن البحث واختبار عن طريقة البحث عامة
شدو حيلكم فيها لأنو مررره دقيقين لدرجة الـ (بلاهه) في الدرجات و يدورولك اي غلط من تحت الارض
وفي مجموعه اتفاجأت بالرسوب في هدي الماده من دفعتنا
اما بالنسبه لمادة الـ ie201 اسمها ( مقدمة في التصميم الهندسي ) وعليها تلاته ساعات
انا اخدتها عند محمد ريحان شرحه بالانجلش ومررره دقيق بس في الاخير يدفك في الدرجات
مضمونها الاساسي مشروع تقدمه في آخر السنه
حتدرسو فيها على قسمين اسبوع مفرد واسبوع كتيم
في بداية الترم حيطلبو منكم اسايمنت عن تخصصك اللي تبغى تتخصصه في الهندسه وبعد كدا حيطلبو اسايمنت عن احد من اصدقاءك تتفق معاه في الكلاس وبعد كدا حتبدؤو كمجموعه تسوو اسايمنتات بشكل مكثف عن المشروع لين ما تنتهو وتقدمو مشروعكم في نهاية الترم
وفي عندك كل اسبوع اختبارين يوم السبت والربوع وادا ما جبت درجه حلوه في اي اختبار منهم تقدر تعيده في الاسبوع اللي بعده بس ما تقدر تجيب الدرجه كامله... نضام درجاتها حتعرفه لما تاخدها إن شاء الله
الماده حلوه بس كررررف وشغل مو طبيعي والانجلش فيها شي اساسي
وبالتوفيق يا بطل
|