صراحة نصيحتي أولاً وآخراً الاستخارة
الأمر الثاني ومن وجهة نظري وخبرتي هو البقاء وعدم التحويل . في أسباب كثيرة قد تدفع الشخص للفتكير بهذه الطريقة كعدم التفوق في مادة لاي سبب كان لكن هذا لا يعني اتخاذ قرار صعب في نظري وفي نظرك حسب ما فهمت من ردودك. يعني الشغلة مو مجرد تحويل من كلية لكلية بل من جامعة لجامعة بالتالي الوضع يختلف والطلاب والمجتمع ويمكن حتى صديقاتها يفتقدوها..الخ وأعرف كثيرين تعبوا نتيجة القرارات العشوائية اللي اتخذوها.
بعدين الشغلة ما تحتاج ذاك التعب والكرف وأنا متأكد أنها بالعزيمة والجد تتخطى المصاعب وأضعاف هذه المصاعب يعني هي كم سنة وتنتهي ويكون لها إن شاء الله مستقبل طيب. وبالنسبة لرغبتها في الأحياء حسب ما فهمت، فأي طالب يكون عنده وقت فراغ ويحاول يستغله في شيء يرغب فيه ويحبه عن طريق النت أو غيره، فالحاسب إن شاء الله ما يكون عائق لها ابداً في الاطلاع على الشيء اللي ترغب فيه سواء أحياء أو غيره.
خلاصة كلامي: أنها تجلس وتضع الإيجابيات والسلبيات المتعلقة بالقرارين بشكل جاد. وتقارن بدون تحيز وبعد كذا تسأل ناس أكبر منها مو بس صحباتها ، يعني تسأل قريباتها أو المعلمات وزي كذا. وآخر شيء وأهم شيء تستخير وتشوف النفس مرتاحة لأي قرار، قرار البقاء أم التحويل.
وآخر نصيحة هي لو فضلت البقاء في الحاسبات، أنها تحاول تكون علاقات مع زميلاتها المجتهدات في الفصل بدون ما تستحي، وتسألهم عن طريقة مذاكرتهم وعن الواجبات ..الخ وباختصار تكون عضوة في شلة مجتهدة شويتين مو مررا دوافير لأن البعض يتعقد من الدوافير :)
أعتذر فقد أطلت وأوجه النصايح لنفسي أولاً وأنا مدرك باستفادة الغير منها إن شاء الله