[محاسبة زمانها]

انا حقولك خبرتي ف الي اخدتو
بالنسبه لمحاسبه تكاليف لو تقصدي تكاليف 1 فهيا سهله مو صعبه بس المنهج شويتين طويل بس انا اقولك طبعاااااااااا يرجع للاستاذه الي تاخديه معاها انا اخدتها مع ريم صقر انا صراحه ماكنت بركز معاها في الشرح من الناس الي مااندمج بس ورقها واضح وقبل كل تمرين تشرح وكنت اكتب كل شي تقولو اهم شي اول تمرين اكتبي كيف كل شي جا وكل التمارين تسهل
ولو قصدك تكاليف 2 برضو انا اخدتها الماده الكل يقول اسهل من 1 بس انا الصراحه ماشوفتها كدا يعني في 1 جبت درجات في التسعين و2 جبت في 70 وترا كلو يرجع للاستاذه حاولي تاخدي مع احسن الاستاذات والماده لما تتذاكر مو صعبه ابدا بس انا مره اتعقدت منها وهيا كلها فهم حتى الجزء النطري يجي في الاختبار صح وخطا شي بسيط
بالنسبه لثقافه 4 صراحه مابغى اخوفك بس اسوأ انواع الثقاااااااااااااااااافه
مراجعه 1 ماده غلسه وتقيله انا اخدتها مع شريفه امسكي قلمك معاكي في المحاظره والي تقول دا يجي في الاختبار صح وخطا اكتبي مهههههم صح وخطا وتجيبي صح وخطا ولو قالت دا يجي عدددي اكتبي مهم عددي وكل الي تقولو يجي يعني حيجي
اداريه ماده سهللللللللللللله بالنسبه ليا كانت جدا سهله وهيا بين العملي والنظري تجمع الاتنين بس انصحك لاتاخديها مع اقبال كتير يشتكو منها
حره انا اخدت ماده وحده صحه نفسيه مره كانت جيده
اختياريه ماخدت شي
والله يوفقك اتمنى اكون افدتك
الله يوفقكك ويسعدك دنيا واخرة ماقصرتي معايا