رد: بنات المنظقية الشرقييــة ...!!
السكن حقي فيه عوايل وطالبات
بس اغلب العوايل دكاترة ودكتورات الجامعة
بس امان مرررة
انتي المسؤولة عن كل شي يعني احنا نتعامل في تنقلاتنا للجامعة مع شركات
او مع سواويق خاصين احنا من الاصل نتعامل معاهم
الشقق ياطويلة العمر
فيه شقة ام غرفة وحدة يعني مفردة بس الحقيقة ماعرف بكم
الشقة اللي فيها غرفتين فيها صالة ومطبخ وحمام واحد وغرفتين
هذي ب18600 ريال في السنة
اوضح لك اياها كيف تصير 9300 ريال كل تيرم تقريبا كل ستة شهور يعني
تتقسم عليكي انتي وصاحبتك مثلا حتصير كل وحدة تدفع 4650 ريال كل نص سنة
يعني هم ياخذوا المبلغ كل نص سنة بمعنى تيرم يعني ويكون المبلغ 4650
لو كانت الشقة فيها ثلاث غرف فبتكون 24600ريال في السنة
بمعنى 12300 في السنة
حتكونوا ثلاث بنات كل وحدة تدفع 4100 ريال في كل نص سنة بمعنى تيرم يعني
صح الشقق بدون اثاث اثثناها تقريبا في يومين
بس بعدين تريحي كأنك في بيت يعني
الحلو في ابراج المقري والمريح انو في الإجازات ماتفضي اغراضك وتلميها يعني
الشقة شقتك خلاص كأنها ملك بالايجار
يعني مو زي باقي مساكن الطالبات
اوقات في بعض الظروف لا قدر الله تضطري تنزلي فجأة
فما تشيلي هم لمة اغراض
بالتوفيق واتمنى اكون افدتك
طبعا الابراج مقسمة لثلاثة ابراج برج العوائل والطالبات اللي انا فيه شقق غير مفروشة
وبرج المفروش للناس عامة
وبرج للأولاد فقط
والبرجين الثانيين مفصولين عننا فصل تام
|